ලංකාවටම සුභ ආරංචියක් - වැල නොකැඩී ලංකාවට එන සංචාරක ආදායමක්

මෙරටට ජනවාරි මස සිට මේ දක්වා පැමිණි සංචාරකයින් ගණන ලක්ෂ 11 සීමාව පසු කර ඇති අතර ජනවාරි 01 වැනිදා සිට ජුනි 21 දින දක්වා මෙරටට පැමිණි සංචාරකයින් ගණන 1,104,354ක් දක්වා වාර්තා වී ඇති බව වාර්තා වේ.

සංචාරක සංවර්ධන අධිකාරිය පැවසුවේ ජුනි 01 වනදා සිටි 21 වනදා දක්වා පැමිණි සංචාරකයින් ගණන 82,332ක් බවත් ජුනි මාසයේදී මේ දක්වා පැමිණ ඇති සංචාරකයින් අතුරින් වැඩිම සංචාරකයින් පැමිණ ඇත්තේ ඉන්දියාවෙන් වන අතර එම සංචාරකයින් ගණන 31,158ක් බවත්ය.

තලපති විජේ සුපිරි නිළියක් හා ප්‍රේම සම්බන්ධයක්ද? තලපති විජේ නිලි ත්‍රිෂා එක්ක උපන්දිනය සමරයි

දෙවැනියට වැඩිම සංචාරකයින් පැමිණ ඇත්තේ එක්සත් රාජධානියෙන් වන අතර එම අගය 6,658ක් වන අතර තෙවැනියට වැඩිම සංචාරකයින් පිරිසක් චීනයෙන් පැමිණ ඇති අතර එම සංචාරකයින් ගණන 5,178කි.

මේ අතර වසරේ ගතවූ කාලය තුළ වැඩිම සංචාරකයින් පිරිසක් පැමිණ ඇත්තේද ඉන්දියාවෙන් වන අතර එම අගය 281,418කි. මීට අමතරව එක්සත් රාජධානියෙන් සංචාරකයින් 104,751ක් සහ රුසියාවෙන් සංචාරකයින් 76,963ක්ද මෙරටට පැමිණ ඇත.

එමෙන්ම වසරේ ගතවූ කාලය තුළ වැඩිම සංචාරකයින් ප්‍රමාණයක් පමිණ ඇත්තේ පෙබරවාරි මාසයේදී වන අතර එම අගය 279,328ක් ලෙසට සටහන් වී ඇත.

පොසොන් පොහොයට දන්සැල් හා තොරණ් කරනවනම් වහාම පොලිසිය දැනුවත් කරන්න - රියදුරන්ටත් පොලිසියෙන් වැදගත් නිවේදනයක්