පොසොන් පොහොයට දන්සැල් හා තොරණ් කරනවනම් වහාම පොලිසිය දැනුවත් කරන්න - රියදුරන්ටත් පොලිසියෙන් වැදගත් නිවේදනයක්

මාර්ග ආරක්ෂාව දිසාව භාර නියෝජ්‍ය පොලිස්පති ඩබ්ලිව්. පී.ජේ. සේනාධීර මහතා නිවේදනය කර ඇත්තේ ලබන පොසොන් පොහොය නිමිත්තෙන් දන්සැල් සහ තොරණ සංවිධානය කිරීමේදී ප්‍රදේශයේ පොලිස් ස්ථානාධිපතිවරයා දැනුවත් කිරීම අනිවාර්ය කලයුතු බවයි. අනතුරු අවම කර ගැනීමේ අරමුණින් මෙම ක්‍රියාමාර්ගය ගන්නා බව කොළඹ පැවති මාධ්‍ය හමුවකට එක්වෙමින් ඔහු පැවසුවේය.

ඔහු වැඩිදුරටත් පෙන්වා දුන්නේ මාර්ගයේ සිදුවන අනතුරු පිළිබඳ පොලීසිය දැනුවත් නොකරන රියදුරන්ට එරෙහිව නීතිමට ක්‍රියාමාර්ග ගැනීම සඳහා පියවර ගන්නා බවයි.

වාහන අංක තහඩු ගැන විශේෂ නිවේදනයක් - අංක තහඩුවට මෙහෙම කරොත් නීතිමය පියවර - නියෝජ්‍ය පොලිස්පති

"මහජනයාට ප්‍රදර්ශනයක් සිදුකරන දෙයක් කරනවා නම්, ස්ථානාධිපති සම්බන්ධීකරණයෙන් අවශ්‍ය මාර්ගෝපදේශ සපයන්න කියලා තියෙනවා. කොහොමද වාහන පාර්ක් කරන්නේ යන ආදි වශයෙන්. අපි කියන්නේ නෑ දන්සල් දෙන්න එපා කියලා. ඒක විදිමත් කරන්න. මේ පොසොන් එකට අනිවාර්යයෙන්ම ස්ථානාධිපතිවරු මැදිහත්වෙලා, විදිමත්ව දන්සල් සංවිධානය කරන්න.

අපේ තියෙන සංඛ්‍යා ලේඛන අනුව තියෙන අනතුරු ප්‍රමාණයට වඩා වැඩි අනතුරු ප්‍රමාණයක් වාර්තා වෙනවා. සමහර අවස්ථාවලදී අවධානයක් නොමැතිව ගිහින්, අනතුර වුණාට පස්සේ ඒක මහා මාර්ගයේම සමතයකට පත්කරනවා.

තෙල්දෙණිය වෛද්‍යවරිය ඝාතනයේ සැකකරු හා බිරිඳ අත්අඩංගුවට - යාපනයේ සැඟවී සිටිද්දී පොලිසියෙන් කඩාපනී

පොලිස්පතිවරයා උපදෙස් දීලා තියෙනවා අනිවාර්යයෙන්ම හැම අනතුරක්ම වාර්තා කරලා, රිය අනතුරු ලේඛන ගත කරන්න. පැය 24ක් තුළ අනතුරක් වාර්තා නොකළොත් ඒක වරදක්. ඒක වාර්තා කිරීම රියදුරුගේ වගකීමක්. එහෙම නැතු වුණොත් අනතුර වාර්තා නොකිරීම කියන වැරැද්දටත් යටත් වෙනවා.

ගිය වසරට සාපේක්ෂව මේ වෙද්දි මාරක රිය අනතුරු 98ක වැඩිවීමක් තියෙනවා සහ මියගිය සංඛ්‍යාව 104ක වැඩිවීමක් තියෙනවා. නමුත් සතිපතා බලද්දි ඒ අනතුරු අඩුවීගෙන යනවා. අපි මේ ගැන විශේෂ මෙහෙයුම් දියත් කරලා තියෙනවා."