කාලගුණය නරක අතට - නායයෑම් අනතුරු ඇඟවීමේ නිවේදනයක් - ජනතාව දැන්ම විමසිලිමත් වෙන්න
ජාතික ගොඩනැගිලි පර්යේෂණ සංවිධානය විසින් පවතින වැසි සහිත කාලගුණික තත්ත්වය හේතුවෙන් නායයෑම් අනතුරු ඇඟවීමේ නිවේදනය යාවත්කාලීන කිරීමට කටයුතු කර ඇත.
අද (13) පස්වරු 4.00 සිට හෙට පස්වරු 4.00 දක්වා ක්රියාත්මක බව එම සංවිධානය අනතුරු ඇඟවීමේ නිවේදනයක් නිකුත් කරමින් පවසා ඇත.
ඒ අනුව කළුතර දිස්ත්රික්කයේ පාලින්දනුවර සහ අගලවත්ත යන ප්රාදේශීය ලේකම් කොට්ඨාස දෙක සඳහාත්, නුවරඑළිය දිස්ත්රික්කයේ අඹගමුව, රත්නපුර දිස්ත්රික්කයේ අයගම, පැල්මඩුල්ල, ගොඩකවෙල, ඇලපාත, කලවාන, රත්නපුර සහ නිවිතිගල යන ප්රාදේශී්ය ලේකම් කොට්ඨාස සඳහාත් අදියර 1 යටතේ විමසිලිමත්ව ලෙස දන්වා මෙම අනතුරු ඇඟවීමේ නිවේදනය නිකුත් කර ඇත.