ඉන්ධන මිල හා අස්වැසුම ගැන සුභ ආරංචියක් - පාර්ලිමේන්තුවේදී අමාත්‍යවරයා හෙළිකළ තොරතුරු මෙන්න

මුදල් හා ක්‍රමසම්පාදන නියෝජ්‍ය අමාත්‍ය ආචාර්ය අනිල් ජයන්ත මහතා පැවසුවේ ඉන්ධන මිල ඉහළ යාමෙන් ජනතාවට ඇතිවන බලපෑම අවම කිරීම සහ අස්වැසුම ප්‍රතිලාභීන්ට අතිරේක සහනයක් ලබාදීම සඳහා රුපියල් බිලියන 47ක පරිපූරක ඇස්තමේන්තුවක් අද (04) පාර්ලිමේන්තුවට ඉදිරිපත් කරන බවයි.

එම මුදලින් රුපියල් බිලියන 41ක් බලශක්ති අමාත්‍යාංශයේ වැය ශීර්ෂය යටතේත්, රුපියල් බිලියන 6ක් මුදල් හා ක්‍රමසම්පාදන අමාත්‍යාංශයේ මෙහෙයුම් වැඩසටහන යටතේ අස්වැසුම සඳහාත් වෙන්කරන බව පාර්ලිමේන්තුවේදී අදහස් දක්වමින් නියෝජ්‍ය අමාත්‍යවරයා සඳහන් කළේය.

ඔබේ බැංකු ගිණුම අනතුරේ - OTP, PIN අංක හෝ බැංකු මුරපද ඉල්ලයි - බැංකු නිලධාරීන් හෝ රාජ්‍ය ආයතනවල නිලධාරීන් ලෙස පෙනී සිටියි

මුදල් හා ක්‍රමසම්පාදන නියෝජ්‍ය අමාත්‍ය ආචාර්ය අනිල් ජයන්ත මහතා වැඩිදුරටත් පෙන්වා දුන්නේ මැදපෙරදිග පවතින යුදමය තත්ත්වය හේතුවෙන් ඉන්ධන මිලට ඇතිවූ බලපෑමෙන් දේශීය වෙළෙඳපොළේ පාරිභෝගිකයන්ට ඇතිවන පීඩනය අවම කිරීම සඳහා රුපියල් බිලියන 41ක මුදල ඔක්තෝබර්, නොවැම්බර් සහ දෙසැම්බර් මාස තුන වෙනුවෙන් ලබාදෙන බවයි.

නියෝජ්‍ය අමාත්‍යවරයා සඳහන් කළේ අස්වැසුම වැඩසටහන යටතේ අන්ත දුප්පත් කාණ්ඩයට රුපියල් 6,250කත්, දුප්පත් කාණ්ඩයට රුපියල් 4,000කත් අතිරේක දීමනාවක් ලබාදීමට නියමිත බවයි. අන්ත දුප්පත් කාණ්ඩයට හිමි දීමනාව වාරික දෙකකින් ගෙවන අතර, එය එක්වරක් පමණක් ලබාදෙන දීමනාවකි.

ගෑස් වෙනුවෙන් දුරකථන අංකයක් - ගෑස් සම්බන්ධ අක්‍රමිකතා වාර්තා කරන්න - මේ දුරකථන අංකයකට දැන්ම ඇමතුමක් ගන්න - ජනතාවට විශේෂ නිවේදනයක්

මෙම පරිපූරක ඇස්තමේන්තුව සඳහා අතිරේක වියදමක් නොදරන බවත්, දැනට වෙන්කර ඇති ප්‍රතිපාදන වෙනත් ක්ෂේත්‍රවලින් කළමනාකරණය කරමින් අවශ්‍ය මුදල් සපයාගන්නා බවත් අමාත්‍යවරයා වැඩිදුරටත් පැවසීය.