හෙට සිට දිවයින පුරා පිහිටි සියලුම මත්පැන්හල් වසා දමයි - නැවත විවෘත කරන දිනත් දන්වයි

ශ්‍රී ලංකා සුරාබදු දෙපාර්තමේන්තුව මඟින් නිවේදනයක් නිකුත් කර ඇත. ඒ පොසොන් පුර පසළොස්වක පොහොය නිමිත්තෙන් හෙට (28) සිට ජුනි 30 වැනි දින තෙක් විවෘත කරන නියමිත වේලාව දක්වා දිවයින පුරා පිහිටි සිල්ලර මත්පැන් අලෙවිය සඳහා බලපත්‍ර ලබාගත් සියලුම මත්පැන්හල් වසා තැබීමට පියවර ගෙන ඇති බව දන්වමින්.

මේ අතර රාජ්‍ය පොසොන් උත්සවයට සමගාමීව ප්‍රකාශයට පත් කර ඇති පොසොන් සතිය හේතුවෙන් ඊයේ 26 සිට ජූලි 2 දක්වා අනුරාධපුර පූජා නගරය කේන්ද්‍ර කරගත් මිහින්තලේ, මධ්‍යම නුවරගම් පළාත, නැගෙනහිර නුවරගම් පළාත සහ මහවිලච්චිය යන ප්‍රාදේශීය ලේකම් කොට්ඨාශ හතර තුළ පිහිටි සියලුම සුරාබදු බලපත්‍රලත් මත්පැන්හල් ද වසා තැබෙන බවට දෙපාර්තමේන්තුව සඳහන් කර ඇත.

අද උදෑසන 5.30 ට දිවයිනටම නිකුත් කළ නිවේදනය - 2 න් පස්සේ තත්ත්වය මේකයි

ඒ අනුව අඳාළ නිවේදනයේ වැඩිදුරටත් සඳහන් කර තිබුණේ එම ප්‍රදේශවල මත්පැන්හල් පසුගිය 25 වැනි දින වසා දමන නියමිත වේලාවේ සිට එළඹෙන ජූලි 3 වැනි දින විවෘත කරන නියමිත වේලාව දක්වා වසා තැබිය යුතු බවයි.

එමෙන්ම මෙම නියෝග කඩකරමින් මත්පැන්හල් විවෘතව පවත්වාගෙන යන හෝ බලපත්‍ර කොන්දේසි උල්ලංඝනය කරන ස්ථාන පිළිබඳ තොරතුරු පැය 24 පුරා ක්‍රියාත්මක 1913 කෙටි දුරකථන අංකය ඔස්සේ සුරාබදු දෙපාර්තමේන්තුවේ මෙහෙයුම් මැදිරියට දැනුම් දෙන ලෙස ද එම දෙපාර්තමේන්තුව ජනතාවගෙන් ඉල්ලා සිටියි.

ඒ අනුව අඳාළ නිවේදනයේ දක්වා ඇත්තේ එවැනි නීති උල්ලංඝනය කරන බලපත්‍රලාභීන්ට එරෙහිව දැඩි නීතිමය ක්‍රියාමාර්ග ගන්නා ලෙස දිවයිනේ සියලුම සුරාබදු ස්ථානාධිපතිවරුන්ට උපදෙස් ලබාදී ඇති බවයි.

අද සිට 29 වැනි දින දක්වා මේවා ඕෆ් කරන්න - හදිසි විදුලි බිඳවැටීම් වළක්වා ගැනීමට රජයෙන් ඉල්ලීමක්

බස් ගාස්තු ඉහළට - ජූලි 01 දා සිට ක්‍රියාත්මක වේ