අලියෙක්ට වෙඩි තැබූ පොලිසිය..යළි නොඑන ගමන් යයි.(PHOTO)

Police spokesman Sri Lanka Police Elephant Gun Shooting Sri Lanka Elephants
By Aruna Aug 16, 2024 03:40 AM GMT
Aruna

Aruna

Report

පොලිස් නිලධාරීන් තැබූ වෙඩි පහරකින් වන අලියෙකු ජීවිතක්ෂයට පත් ව තිබෙනවා.

මෙම සිදුවීම ඊයේ (15) රාත්‍රී 11.45ට පමණ සිදු ව ඇත්තේ දඹුල්ල – බකමූණ ප්‍රධාන මාර්ගයේ දම්පුරගම මංසන්ධියේ දී බවයි, අප වාර්තාකරු පැවසුවේ.

ඇලහැර වනජීවී කාර්යාලය පවසන්නේ, එම වනඅලියාට වෙඩි තබා ඇත්තේ බකමූණ පොලිසියේ රාත්‍රී මුර සංචාරයේ යෙදෙන පොලිස් නිලධාරීන් බවයි.

අද සිට දිවයින පුරා සියලුම පාසල් සිසුන්ට ලැබෙන දේ..අධ්‍යාපන අමාත්‍යංශය ගත් තීරණය මෙන්න.

අද සිට දිවයින පුරා සියලුම පාසල් සිසුන්ට ලැබෙන දේ..අධ්‍යාපන අමාත්‍යංශය ගත් තීරණය මෙන්න.


මෙම වෙඩි වැදීමෙන් අවාසනාවන්ත ලෙස මියගොස් ඇත්තේ වයස අවුරුදු 35 ක් පමණ වන; උස අඩි 08කින් යුත් පිරිමි වනඅලියෙකු බවයි පැවසෙන්නේ.

පොලීසියට අයත් ත්‍රීවිල් රථයෙන් රාත්‍රී මුර සංචාරයේ යෙදී සිටි පොලිස් නිලධාරීන් කිහිපදෙනාට වනඅලියා පහරදීමට යෑමේ දී පොලිස් නිලධාරීන් සිය ආරක්ෂාව සඳහා මෙම වෙඩි තැබීම සිදු කර තිබේ.

වනඅලියාට වෙඩි තැබූ පොලිස් නිලධාරීන් කිහිපදෙනා අත්අඩංගුවට ගැනීම සඳහා බකමූණ පොලිසියට තමන් ඇතුළු වනජීවී නිලධාරී කණ්ඩායමක් ගිය මොහොතේ දී එහි පොලිස් ස්ථානාධිපතිවරයා එම කටයුත්ත වළකා ඇත්තේ සිය නිලධාරීන් ඔවුන්ගේ ජීවිතාරක්ෂාව සඳහා වනඅලියාට වෙඩි තැබූ බවට පවසමින්.

ඇළහැර වනජීවී කාර්‍යාලය පැවසුවේ, පොලිස් නිලධාරීන් අත්අඩංගුවට ගැනීම සඳහා බකමූණ සංචාරක මහේස්ත්‍රාත් අධිකරණයට බී වාර්තාවක් මගින් 16 වෙනිදා කරුණු වාර්තා කිරීමට කටයුතු කරන බවයි.

අද උදෑසන බිහිසුණු වෙඩි තැබීමක්..තරුණයෙක් මිය යයි..

අද උදෑසන බිහිසුණු වෙඩි තැබීමක්..තරුණයෙක් මිය යයි..


වෙඩි ප්‍රහාරයෙන් මියගිය වනඅලියාගේ පශ්චාත් මරණ පරීක්ෂණ කටයුතු ගිරිතලේ වනජීවී පශු වෛද්‍ය සමීර කළුගුආරච්චි මහතා ඇතුළු වනජීවි නිලධාරීන් විසින් අද (16) දහවල් සිදු කිරීමට නියමිතව ඇත.

Gallery
ReeCha