පාසලකට දැවැන්ත බෝම්බ ප්‍රහාරයක්..තවත් ප්‍රහාරයකින් 2300ක් මියයයි..මුළු ලෝකයේම අවධානයට.

400 ක් පමණ මිනිසුන් නවාතැන් ගෙන සිටි මාරිපෝල් වරාය නගරයේ කලා පාසලකට රුසියාවේ හමුදාව විසින් බෝම්බ ප්‍රහාරයක් එල්ල කළ බව යුක්රේන බලධාරීන් පවසනවා.

මේ අනුව යුක්‍රේන ජනාධිපතිවරයා පැවසුවේ, නොනවතින රුසියානු වටලෑමක් ඉදිරි සියවස් ගනනකට මතකයේ රැඳෙනු ඇති බවයි.

නිවැසියන් නවාතැන් ගෙන සිටි පොදු ගොඩනැගිල්ලක් ප්‍රහාරයට ලක්වන බවට නගර නිලධාරීන් වාර්තා කළේ, සතියකට අඩු කාලයකදී දෙවන වරටයි.

බදාදා මාරියුපෝල් රඟහලකට බෝම්බයක් වැදී ඇති අතර 1,300 කට වැඩි පිරිසක් එහි සිටි බව විශ්වාස කරන බව ප්‍රාදේශීය බලධාරීහු පවසනවා.

අසෝව් මුහුදේ මූලෝපායික වරායක් වන Mariupol, අවම වශයෙන් සති තුනක් තිස්සේ බෝම්බ හෙලීමට ලක්ව ඇති අතර යුක්රේනයේ යුද්ධයේ දරුණුතම බිහිසුණු බව දැක තිබෙනවා.

අවම වශයෙන් පුද්ගලයින් 2,300 ක් මිය ගොස් ඇති අතර, ඔවුන්ගෙන් සමහරෙකු සමූහ මිනී වලවල්වල මිහිදන් කිරීමට සිදු වූ අතර ආහාර, ජලය සහ විදුලිය අඩු වී තිබෙනවා.

මේ අතර රුසියානු යුක්‍රේන අර්බුදය හේතුවෙන් ආහාර නොමැතිව පීඩාවට පත්ව සිටින සිවිල් වැසියන්ගේ සංඛ්‍යාව දිනෙන් දින ඉහළ යමින් තිබෙනවා.

මෙම තත්ත්වයෙන් වැඩිම බලපෑමකට ලක්ව ඇත්තේ යුක්‍රේන දේශ සීමාවේ සිටින සරණාගතයින්.

අද අළුයම නිකුත්වූ නවතම දත්තවලට අනුව ආහාර හිඟකමින් පීඩාවට පත්ව සිටින යුක්‍රේන වැසියන් සංඛ්‍යාව තුන් ලක්ෂ 30,000 අධිකයි.

එක්සත් ජාතීන්ගේ ලෝක ආහාර වැඩසටහන පැවසුවේ එම ජනතාව වෙනුවෙන් පාන් මෙට්‍රික් ටොන් 78,000 ක් ලබාදීමට කටයුතු කර ඇති බවයි.

අධි පෝෂිත බිස්කට් මෙට්‍රික් ටොන් 26,000 ක් ද බෙදා හැර තිබෙනවා.

එළවළු තෙල් මෙට්‍රික් ටොන් 325 ක්ද, තිරිඟු පිටි මෙට්‍රික් ටොන් 478 ක්ද ජනතාවට ලබාදීමටයි කටයුතු කර ඇත්තේ.

ටින් කළ ආහාර මෙට්‍රික් ටොන් 02 ක් ද ජනතාවට බෙදා දුන් බව එක්සත් ජාතීන්ගේ ලෝක ආහාර වැඩසටහන පැවසුවා.