ක්ෂය රෝගය ව්‍යාප්ත වීමේ අවධානම් තත්ත්වයක්..

ක්‍ෂය රෝගය වැඩි වශයෙන් රත්නපුර දිස්ත්‍රික්කයේ ව්‍යාප්ත වීමේ අවදානමක් පවතින බව රත්නපුර ශික්ෂණ රෝහලේ ස්වසන රෝග පිළිබඳ විශේෂඥ වෛද්‍ය නෙරංජන් දිසානායක සඳහන් කර සිටියේ ය.

ඒ ඊයේ (16) ක්‍ෂය රෝගය වළක්වාගැනීම සම්බන්ධයෙන් ජනතාව දැනුවත් කිරීමේ වැඩසටහනට එක්වෙමින් ය.

වැඩිදුරටත් අදහස් දක්වමින් ඔහු කියා සිටියේ, ක්‍ෂය රෝගය පිළිබඳ ජනතාව තුළ පවතින නොදැනුවත් භාවය ද ඊට හේතු වන බවයි.

මේ අතර, පසුගිය වසරේ දී මෙරටින් ක්‍ෂය රෝගීන් 331 දෙනෙකු හමු වී ඇති අතර ඉන් 30 දෙනෙකු මියගොස් ඇත.

එය සියයට 10 ක පමණ ප්‍රතිශතයක් වීම අවධානයට ලක්විය යුතු කරුණක් බව සෞඛ්‍ය අංශ පෙන්වා දෙයි.