විවාහ වෙන්න සහකරු සොයා ගත්තේ පත්තරේ දැන්වීමෙන්ද එහෙනම් පරිස්සමින්..
Piyumika
මංගල දැන්වීම් පළකර ඒ ඔස්සේ තරුණියන් මුලාකරමින් වංචාවක නිරතවූ විශ්‍රාමික යුද හමුදා මේජර්වරයකු පරිගණක අපරාධ විමර්ශන කොට්ඨාසය මගින් අත්අඩංගුවට ගෙන තිබේ .
දැනට කරන ලද විමර්ශනවලට අනුව මොහුගේ මංගල දැන්වීම්වලට හසුවූ තරුණියන් දසදෙනකු පිළිබඳ තොරතුරු අනාවරණය වී තිබේ.
මෙම සැකකරු පුවත්පත් දැන්වීම් පළකර වට්ස්ඇප් මාර්ගයෙන් ඡායාරූප හා තොරතුරු හුවමාරු කර හිතවත් වූ පසුව ඔවුන්ගෙන් ලක්ෂ ගණන් මුදල් වංචා කර ඇත.
මොහු තම රියැදුරාගේ දරුවා රෝහල් ගත කළ බව කියමින් එක් තරුණියකගෙන් රුපියල් ලක්ෂ දෙකක් වංචා කර ඇතැයි පරිගණක අපරාධ කොට්ඨාශය වෙත ලද පැමිණිල්ලක් ඔස්සේ කළ විමර්ශනයකදී මෙම සැකකරු ගැන කරුණු අනාවරණය වී ඇත.
අන්තර්ජාලය ඔස්සේ කාන්තාවන් වංචාවන්ට ගොදුරුවීම ඉහළ ගොස් ඇති බවත් ඒ ඔස්සේ මුදල් වංචා කිරීම් ගැන පැමිණිලි 150 කට අධික සංඛ්‍යාවක් ගතවූ කාලය තුළ ලැබී ඇති බවයි පරිගණක අපරාධ කොට්ඨාසය පවසූවේ.
පරිගණක අපරාධ කොට්ඨාසය භාර ජ්‍යෙෂ්ඨ පොලිස් අධිකාරි දර්ශිකා කුමාරි යටතේ මේ සම්බන්ධව වැඩිදුර විමර්ශන සිදුවේ.
