හැමෝටම සතුටු හිතෙන පණිවුඩයක්

රටේ සියලුම ජලාශවල ජල මට්ටම් සාමාන්‍ය ජල මට්ටමක් කරා පැමිණෙමින් තිබෙන බව වාරිමාර්ග දෙපාර්තමේන්තුව සඳහන් කරයි.

ඒ අනුව එම දෙපාර්තමේන්තුවේ වාරිමාර්ග අධ්‍යක්ෂ ජල විද්‍යා හා ආපදා කළමනාකරණ ඉංජිනේරු එල්.එස් සූරියබණ්ඩාර මහතා කියා සිටියේ වාර්මාර්ග දෙපාර්තමේන්තුවේ මිනුම් මධ්‍යස්ථානවල දත්ත අනුව කිසිදු ජලාශයක ගංවතුර මට්ටමක් කරා තවදුරටත් නොපවතින බවයි.

එසේම පසුගිය පැය 24ක කාලය තුළ වැඩිම වර්ෂාපතනය වූ මිලිමීටර් 50-100ත් අතර ප්‍රමාණයක් ප්‍රධාන ජලාශ කිහිපයක් ආශ්‍රිතව වාර්තා වී ඇති බවත් ඒ අනුව කැලණි, කළු ගඟ ආශ්‍රිතව මිලිමීටර් 50-100ත් අතර ප්‍රමාණයක් මෙන්ම එමෙන්ම ගිං ගඟ සහ නිල්වලා ගඟ, අත්තනගලු ඔය ආශ්‍රිතව මිලිමීටර් 50ක වර්ෂාපතනයක් වාර්තාවූ බවත් ඔහු වැඩිදුරටත් ප්‍රකාශ කළා.

අද රෑට ආයෙත් වැස්ස වැඩියි - විශේෂ අනතුරු ඇඟවීමේ නිවේදනයක්

එහෙත් මෙම වර්ෂාපතනය ගංගාවල ජල මට්ටම් ඉහළ යාමට බලපාන වර්ෂාපතනයක් නොවන බවත් පවසමින් ඔහු සඳහන් කළේ මේ සම්බන්ධව අනියත බියක් ඇති කරගත යුතු නැති බවයි.

එසේම දෙපාර්තමේන්තුව සතුව පවතින වාරි පද්ධති සැලකීමේදි ප්‍රධාන වැව් 30කට ආසන්න ප්‍රමාණයක වාන් දැමීම හෝ වාන් දොරටු විවෘත කිරීම සිදුකර ඇති බවත් වාන් දොරටු විවෘත කර ජලාශවල ජල මට්ටම් පහළ දැමීමට රාජාංගන, දැදුරු ඔය, නාච්චදූව, සේනානායක සමුද්‍රය, වෙහෙරගල සහ ලුණුගම්වෙහෙර වැනි ජලාශවල වාන් දොරටු විවෘත කර ඇති බවත් පවසයි.

එමෙන්ම එම ජලාශවල ජල මට්ටම් ඉහළ යාමකට තරම් ජල මට්ටමක් නිදහස් නොකරන බවත් පාලනයකින් යුතුව ඉදිරියේදී ලැබෙන වර්ෂාපතනය සැලකිල්ලට ගෙන එය කළමනාකරණ කර ගැනීමට ජල මට්ටම් අඩු කිරීම සිදුකරන බවත් ඔහු දැනුම් දී තිබෙනවා.

මේ අතර ඉදිරි දින කිහිපයේත් වර්ෂාපතනය ලැබීමේ පුරෝකථන පවතින බැවින් මේ සම්බන්ධව අවධානය යොමු කරන ලෙසත් ඉදිරි තත්ත්වයන් සම්බන්ධව වාරිමාර්ග දෙපාර්තමේන්තුව දැනුවත් කිරීම් සිදුකරන බවත් සඳහන්.

සියලුම දෙනාට විශේෂ දැනුවත් කිරීමක් - වහාම අමතන්න

ඉදිරි පැය 36 දී රටට වෙනදේ මෙන්න