මෝටර් රථ ප්‍රවාහන දෙපාර්තමේන්තුවේ අක්‍රමිකතා පරීක්ෂණ වාර්තාව නීතිපතිට

ශ්‍රී ලංකාවේ රජයේ ගිණුම් පිළිබඳ කාරක සභාව (COPA) විසින් මෝටර් රථ ප්‍රවාහන දෙපාර්තමේන්තුවේ පසුගිය කාලයේ සිදුව ඇති වංචා, දූෂණ සහ අක්‍රමිකතාවන්ට අදාළ පරීක්ෂණ වාර්තාව නීතිපතිවරයා වෙත යොමු කිරීමට තීරණය කර තිබේ.

මෙම තීරණය ගෙන ඇත්තේ පසුගිය දා 06 වැනි දා පැවති ශ්‍රී ලංකාවේ රජයේ ගිණුම් පිළිබඳ කාරක සභාව රැස්වීමේදී වන අතර, වාර්තාව පාර්ලිමේන්තුවේ අනුමැතිය ලබාගැනීමෙන් පසුව නීතිපති දෙපාර්තමේන්තුවට ඉදිරිපත් කිරීමට නියමිතය.

‘Mind your own business’ - කමල් හසන්ට කේන්ති ගිහින්.. ට්‍රම්ප්ට රිදෙන්නම කියයි

මෙය ශ්‍රී ලංකාවේ රජයේ ගිණුම් පිළිබඳ කාරක සභාව වාර්තාවක් නීතිපතිට යොමු කෙරෙන පළමු අවස්ථාව ලෙස සැලකේ.

පාර්ලිමේන්තුවේ ස්ථාවර නියෝග 119 (04) ප්‍රකාරව, රජයේ ගිණුම් පිළිබඳ කාරක සභාවහි අනාවරණය වන කරුණු සම්බන්ධයෙන් ඉදිරි පියවර ගැනීම සඳහා මෙම විධිවිධාන සලසා ඇති අතර, 2022දී සිදු කළ ස්ථාවර නියෝග සංශෝධනයන් මගින් මෙම යාන්ත්‍රණය හඳුන්වා දී තිබේ.

රජයේ ගිණුම් පිළිබඳ කාරක සභාව සභාපති සමගි ජන බලවේගයේ පාර්ලිමේන්තු මන්ත්‍රී කබීර් හෂීම් මහතාගේ ප්‍රධානත්වයෙන් පැවති මෙම රැස්වීමේදී, දෙපාර්තමේන්තුවේ අක්‍රමිකතා 25ක් සම්බන්ධයෙන් තවදුරටත් ක්‍රියාමාර්ග ගැනීම අවශ්‍ය බව අවධාරණය කෙරිණි. මෙම වාර්තාව සකස් කර ඇත්තේ රජයේ ගිණුම් පිළිබඳ කාරක සභාවේ නිර්දේශ මත වන අතර, 2025 මාර්තු 10 සහ 21 දිනවල පැවති රජයේ ගිණුම් පිළිබඳ කාරක සභාව රැස්වීම්වල නිගමනයන් මත පදනම්ව ඇත.

අසල්වැසි රටවල්ට එල්ල වූ ප්‍රහාරය ගැන ඉරාන ජනපති කණගාටුව පළ කරයි