කාන්තාවන්ට ගුටි බැට දීලා අන්තිමේ කාන්තාවටම වරද පටවනවා - කාන්තා අයිතිය ගැන අගමැතිනි කතා කරයි

අද (11) දින පාර්ලිමේන්තුවේදී අගමැතිනී ආචාර්ය හරිනි අමරසූරිය මෙනවිය පැවසුවේ විපක්ෂනායකවරයාගේ මාධ්‍ය ප්‍රකාශක ප්‍රසාද් සිරිවර්ධන මන්ත්‍රීවරයා නීතිඥ ලක්මාලි හේමචන්ද්‍ර මන්ත්‍රීවරිය ඉලක්ක කර කළ අපහාසාත්මක ප්‍රකාශය තර්ජනයක් වගේම කාන්තා හිංසනයක් බවයි. 

මේ රටේ කාන්තාවන්ට ගුටි බැට දෙන පිරිමි කරන්න පුළුවන් ඔක්කොම කරලා අන්තිමේදී කාන්තාවන්ටම වරද පටවන බවද ඇය කීවාය.

අගමැතිනී ආචාර්ය හරිනි අමරසූරිය මෙනවිය විසින් මේ රටේ කාන්තාවන්ට ගුටි බැට දෙන පිරිමි කරන්න පුළුවන් ඔක්කොම කරලා අන්තිමේදී කාන්තාවන්ටම වරද පටවන බව පාසමින් සමගි ජන බලවේගයේ ප්‍රසාද් සිරිවර්ධන මන්ත්‍රීවරයා ඊයේ පාර්ලිමේන්තුවේදී ජාතික

ලක්මාලි සමාවෙන්න! - මන්ත්‍රී ප්‍රසාද් ශිෂ්ටභාවයෙන් මඟ පෙන්වයි

අද පාර්ලිමේන්තුවේදී අගමැතිනි හරිනි අමරසූරිය මෙනවිය පැවසුවේ,

විපක්ෂ නායකවරයාගේ මාධ්‍ය ප්‍රකාශක ප්‍රසාද් සිරිවර්ධන මන්ත්‍රීවරයා ලක්මාලි හේමචන්ද්‍ර මන්ත්‍රීතුමියට ඊයේ අපහාසාත්මකව කතා කළා. මම ඒක දකින්නේ ප්‍රචණ්ඩත්වයක් විදියටයි. තර්ජනයක් විදියටයි. ඒවගේම හිරිහැරයක් විදියටයි. අද උදෙත් මෙයාලා හැසිරුණේත් ඒ අන්දමටමයි. මේ සංස්කෘතිය වෙනස් කරන්න තමයි ජනතාව ඉල්ලා සිටින්නේ. අපි මහන්සි වෙලා මේ පාර්ලිමේන්තුවට මන්ත්‍රීවරියන් විසිදෙනෙකු පත් කරගත්තා. මේ අය නියෝජනය කරන්නේ මේ රටේ කාන්තාවන්. ඔබතුමා වෛද්‍යවරයෙකු විදියට දන්නවා මේ රටේ කාන්තාවන්ට සිදුවන ප්‍රචණ්ඩත්වය. කාන්තාවන්ට හිංසනය මුලින්ම පටන් ගන්නේ වාචික ප්‍රචණ්ඩත්වයෙන්. වචනවලින් කාන්තාවන් යට කරන්න හදන්නේ. මේක තමයි පීතෘමූලික සමාජයේ කැතම එක. මෙතන ඉන්න මන්ත්‍රීවරුන් මේ විදිහට හැසිරීම බොහොම කැතයි. ඔබතුමා එයාලට අවවාද කරන්න. අපිට අපේ බස්නාහිර පළාතේ ඉන්න මන්ත්‍රීවරු ටික ගෙනල්ලම මෙයාලගේ යෝජනා පරාද කරන්න පුළුවන්. මොන විශ්වාසභංගද. මේ රටේ ජනතාව අපිව පත්කළේ රට සංස්කෘතික වෙනසක් ඉල්ලපු නිසයි .පාර්ලිමේන්තුව තුළ ඒ වෙනස ඉල්ලපු නිසා. අපිට අභියෝග කරන්න පුළුවන්. නමුත් සදාචාරයක් තියෙන්න ඕන.

විජේරාම උණුසුම්වේ.. දේශපාලනඥයින් සහ නියෝජිතයින් මහින්ද බැලීමට රැස්වෙයි

එහිදී ඊට පිළිතුරු දෙමින් මන්ත්‍රී ප්‍රසාද් සිරිවර්ධන මහතා පැවසුවේ,

අගමැතිතුමිය මගේ නම සඳහන් කළා. මම මන්ත්‍රීවරියකට තර්ජනය කළා කියන අදහසකින් ප්‍රකාශයක් කළා කිව්වා. නිත්‍යානුකූල නොවන ආකාරයට මයික් එක ලබා ගැනීම සම්බන්ධයෙන් තමයි එතන ප්‍රශ්නය ඇතිවුණේ. මම අපහාසයක් කළේ නැහැ . සංසන්දනාත්මක කතාවක් කිව්වේ. මම මන්ත්‍රීවරියක අපහාසයට පත් කිරීමේ අරමුණින් කරපු දෙයක් නොවෙයි. දේශපාලනයට එන්න ඉන්න කාන්තාවන් අධෛර්යය කිරීමේ අරමුණින් කරපු ප්‍රකාශයකුත් නෙවෙයි. මගේ කතාවට බාධා කිරීම සම්බන්ධයෙන් ප්‍රතිචාරයක් ලෙස තමයි ඒ කතාව කියවුණේ.ක්‍රියාව නොකර හිටියා නම් එවැනි ප්‍රතික්‍රියාවක් ඇතිවන්නේ නැහැ.

මාව විසිවෙලා පදුරක් උඩට වැටුනා ගල්වගයක් ඔළුවේ වැදුනා, හඳඑළියේ දැක්කා පොඩි බබෙක් කෙදිරි ගානවා, දිවි බේරාගත් ඇය කියූ සංවේදී කතාව

ඊට පිළිතුරු වශයෙන් අගමැතිනිය විසින්,

මෙතන කතාව තියෙන්නේ දේශපාලන වාසියක් අවාසියක් ගැන නොවේ. ඔබ කියපු එක නැවත හොඳින් බලන්න. කොච්චර තර්ජනාත්මකද කියලා. ඒක කැතයි. මුලින්ම ඒක පිළිගන්න ඕන. ඒ තර්ජනය තුළ ස්ත්‍රී පුරුෂ සමාජභාවය පිළිබඳ අර්ථයක් තියෙනවා. මන්ත්‍රීවරියකට තමයි එහෙම කතා කළේ. ගුටි බැටදී හිරිහැර කරන ගෑණුන්ට පිරිමි කියන්නේත් ඕකම තමා. හොඳට හැසිරුණානම් තේ කෝප්පය ළඟට ගෙනත් දුන්නා නම් කියපු විදියට හිටියනම් ගුටි කන්න වෙන්නෙ නෑ කියලා . තර්ජනය කරලා ඉවර වෙලා අර මන්ත්‍රීතුමියටම ආපහු අපහාස කරනවා. හරිම කැතයි. ලෙස ප්‍රකාශ කළාය.

වාහන ලියාපදිංචි කරාට අංක තහඩු ගන්න බෑ - මෙන්න අලුත්ම තත්ත්වය