විදුලි කප්පාදුව තවත් දීර්ඝ කෙරේ..! හෙට සිට විදුලි කප්පාදු සිදුවන අයුරු

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා විදුලි කප්පාදුව පැය 3 කක් දක්වා දීර්ඝ කිරීමට අවසර දුන් බව මහජන උපයෝගිතා කොමිසමේ සභාපති ජනක රත්නායක මහතා අද (26) පස්වරුවේ පැවසීය.

ඒ අනුව හෙට සිට ලබන 3 වැනිදා පැය 3 ක් විදුලිය කප්පාදු කරන බවත් ‘ඒ’ සිට ‘ඩබ්ලිව්’ දක්වා කලාප 20 ට දිවා කාලයේ පැයයි මිනිත්තු 40 ක් ද, රාත්‍රී කාලයේ පැයයි මිනිත්තු 20 ක් ද, ලෙස විදුලිය කප්පාදු කරන බවත් රත්නායක මහතා කීය. 

 කොළඹ නගර ද අයත් ‘සීසී’ කාණ්ඩයට සෑම දිනකම පෙරවරු 6.00 සිට පෙරවරු 8.00 දක්වා පැය 2 ක් (ජූලි 2 සහ 3 හැර) ද, එම්,එන්,ඕ,එක්ස්,වයි සහ ඉසෙඩ් යන කළාපවලට සෑම දිනකම (ජූලි 2 සහ 3 හැර) අළුයම 5.00 සිට පෙරවරු 8.00 දක්වා පැය 3 ක් ද, විදුලි කප්පාදු කිරීමට අවසර දුන් බව මහජන උපයෝගිතා කොමිසමේ සභාපති ජනක රත්නායක මහතා වැඩ දුරටත් කීය