ජපන් යනවනම් මේ තැනට යන්න එපා - ජපන් භාෂා පුහුණු මධ්‍යස්ථානයක් වටලයි

කුරුණෑගල, මහව ප්‍රදේශයේ ජපන් භාෂා පුහුණු මධ්‍යස්ථානයක් මුවාවෙන් පවත්වාගෙන ගිය වංචාකාරී විදේශ රැකියා ආයතනයක් ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිලධාරීන් විසින් වටලා ඇත.

මෙලෙස විමර්ශන ආරම්භ වීමට හේතු වූයේ, ජපානයේ රැකියාවක් ලබා දෙන බව පොරොන්දු දී, ආයතනයේ හිමිකරු රුපියල් 750,000.00ක් ලබා ගත් අතර, එම මුදලට සමාන වශයෙන් රැකියා ලබා නොදුන් බවට පැමිණිල්ලක් ලැබී තිබීමයි.

විමර්ශන කාර්ය මණ්ඩලය උපායදූතයකු යොදා ගනිමින් පරීක්ෂණ සිදු කළ අතර, එහිදී ආයතනයේ ක්‍රියාකාරිත්වය පිළිබඳ තොරතුරු සොයාගන්නා අතර, සුදුසුකම් නොමැති පුද්ගලයින් සඳහා විශ්වවිද්‍යාල උපාධි සහතික සහ අනෙකුත් අවශ්‍ය සහතික කූට ලෙස සකස් කිරීමක් සිදු කරන බව අනාවරණය විය.

ලාෆ් ගෑස් හිමියන්ට සුබ පණිවිඩයක් - ලාෆ් ගෑස් නොදුන්නොත් නිල් ගෑස් රජයෙන්

විමර්ශන නිලධාරීන් විසින් මුදල් ලබාගැනීමේ කුවිතාන්සි, ගිවිසුම්, ප්‍රචාරක පත්‍රිකා, ජංගම දුරකථන සහ ලැප්ටොප් පරිගණක නිලධාරීන් භාරයට ගත්හ.

ලැප්ටොප් පරිගණකය පරික්ෂා කිරීමේදී, විවිධ පුද්ගලයන්ගේ නම්වලට ව්‍යාජ ලෙස සකස් කරන ලද ශ්‍රී ලංකාවේ ප්‍රසිද්ධ විශ්වවිද්‍යාල සහ ඉදිකිරීම් ආයතනවල සේවා සහතික ආකෘති හමුවී තිබේ.

මෙම වැටලීමෙන් වංචාකාරී ක්‍රියාකාරිත්වය සහ ව්‍යාජ ලේඛන සම්බන්ධ කරුණු රැසක් අනාවරණය කර ඇත.

ලබන සිකුරාදා පාර්ලිමේන්තුවේ ලොකු වෙනසක්