හෙල්මට් එක සෙල්ලම් බඩුවක් කරගත්තු අයට පොලිසියෙන් හදිසි අනතුරු ඇඟවීමක්

යතුරුපැදි ධාවනයේදී හෙල්මට් එක නිසි පරිදි හිසෙහි පැළඳීම ජීවිත ආරක්ෂාව සඳහා අත්‍යවශ්‍ය කරුණක් බව පොලිසිය අවධාරණය කරයි. ඇතැම් යතුරුපැදිකරුවන් හෙල්මට් එක හිසෙහි නොපළඳා අතේ රැගෙන හෝ වෙනත් ආකාරයකින් භාවිත කරන අවස්ථා නිරීක්ෂණය වන බවත්, එය රථවාහන නීති උල්ලංඝනය කිරීමක් බවත් පොලිසිය පෙන්වා දෙයි.

  “හෙල්මට් එක අතේ තබාගෙන බැලන්ස් කරගෙන යන දක්ෂතාවයට පදක්කම් ලබාදිය නොහැකි නමුත්, ඒ වෙනුවට දඩ පත්‍රිකාවක් ලබාදීමට සිදුවිය හැකියි” යන අදහසින් පොලිසිය රියදුරන්ට අවධාරණය කරන්නේ හෙල්මට් එක නිර්මාණය කර ඇත්තේ හිස ආරක්ෂා කිරීම සඳහා බවයි.

රථවාහන අනතුරු සිදුවන අවස්ථාවලදී හිසට සිදුවන තුවාල බරපතළ ප්‍රතිවිපාක ඇති කළ හැකි බැවින්, හෙල්මට් භාවිතය සරල නීතිමය අවශ්‍යතාවක් පමණක් නොව ජීවිතය ආරක්ෂා කර ගැනීමේ වැදගත් පියවරක් බවද සඳහන් කෙරේ.

යතුරුපැදිය ධාවනය කරන සෑම අවස්ථාවකදීම අනුමත ආරක්ෂිත හිස් ආවරණයක් නිසි ආකාරයෙන් පැළඳ ගමන් කරන ලෙස පොලිසිය සියලුම යතුරුපැදිකරුවන්ගෙන් ඉල්ලා සිටී. හෙල්මට් එක රැගෙන යාමෙන් පමණක් නීතිය සපුරාලන්නේ නොවන අතර, එය හිසෙහි නිසි ලෙස සවි කර තිබීම අනිවාර්ය බවද අවධාරණය කරයි.

කටුනායක කළඹමින් වෙඩි තැබීමක්

රථවාහන නීති පිළිපැදීම මගින් තමන්ගේම ආරක්ෂාව පමණක් නොව මාර්ගයේ ගමන් කරන අනෙකුත් පුද්ගලයන්ගේ ආරක්ෂාවද තහවුරු කළ හැකි බව පොලිසිය පෙන්වා දෙයි. එබැවින් ආරක්ෂිත රිය පැදවීමේ පුරුදු ඇති කරගනිමින්, හෙල්මට් භාවිතය වගකීමකින් යුතුව සිදු කරන ලෙස රියදුරන්ගෙන් ඉල්ලා සිටී.

රථවාහන නීති උල්ලංඝනය කරන පුද්ගලයන්ට එරෙහිව නීතියට අනුව දඩ පැනවීමට පොලිසිය ඉදිරියටත් කටයුතු කරන බවද සඳහන් කර ඇත.

හෙල්මට් එක අතේ තියාගෙන බැලන්ස් කරගෙන යන දක්ෂතාවයට මෙඩල් දෙන්න අපිට බැරිවෙයි. හැබැයි ඒ වෙනුවට දඩ කොළයක් නම් දෙන්න පුළුවන්. හෙල්මට් එක තියෙන්නේ ඔලුවේ ආරක්ෂාවට මිස, බැලන්ස් පුරුදු වෙන්න නෙවෙයි! හෙල්මට් එක අතේ රැගෙන ගමන් කිරීම රථවාහන නීතිය උල්ලංඝනය කිරීමකි. හෙල්මට් එක යනු ඔබගේ ජීවිතය ආරක්ෂා කරන උපකරණයක් මිස, එය තබාගෙන සමබරතාවය පවත්වා ගැනීමට ඇති ක්‍රීඩා භාණ්ඩයක් නොවේ.

නීතියට ගරු කරමින්, හෙල්මට් එක නිසි පරිදි හිසෙහි පළඳා ගමන් කිරීම ඔබගේ සහ අන් අයගේ ආරක්ෂාවට අත්‍යවශ්‍ය වේ. රථවාහන නීති උල්ලංඝනය කරන්නන් සඳහා නීත්‍යානුකූලව දඩ පැනවීමට පොලිසිය පියවර ගනු ඇත.

-------------------- தலைக்கவசத்தை கையில் வைத்துக்கொண்டு சமநிலையுடன் வாகனம் செலுத்தும் திறமைக்கு எங்களால் பதக்கம் வழங்க முடியாது. ஆனால் அதற்குப் பதிலாக அபராதச் சீட்டை வழங்க முடியும். தலைக்கவசம் என்பது தலையைப் பாதுகாப்பதற்காகவே; சமநிலைப் பயிற்சி செய்வதற்காக அல்ல! தலைக்கவசத்தை கையில் ஏந்திக்கொண்டு மோட்டார் சைக்கிள் செலுத்துவது போக்குவரத்து சட்டத்தை மீறும் செயலாகும். தலைக்கவசம் என்பது உங்கள் உயிரைப் பாதுகாக்கும் பாதுகாப்பு உபகரணம்; அதை கையில் வைத்துக்கொண்டு சமநிலையைப் பேணுவதற்கான விளையாட்டுப் பொருள் அல்ல. சட்டத்தை மதித்து, தலைக்கவசத்தை முறையாகத் தலையில் அணிந்து பயணிப்பது உங்களது மற்றும் ஏனையோரின் பாதுகாப்பிற்கு இன்றியமையாததாகும். போக்குவரத்து சட்டங்களை மீறுபவர்களுக்கு எதிராக சட்டத்தின்படி அபராதம் விதிக்க பொலிஸார் நடவடிக்கை எடுப்பார்கள். --------------------------

We don't award medals for balancing a helmet in your hand—but we can issue a traffic ticket. A helmet is designed to protect your head, not to be carried in your hand or used as a prop while riding. Riding a motorcycle while holding a helmet instead of wearing it is a violation of traffic laws. A helmet is life-saving protective equipment and should always be worn correctly and securely. Complying with traffic regulations and wearing your helmet properly are essential for your own safety as well as the safety of other road users. Police will take legal action against motorists who violate traffic laws, including those who fail to wear their helmets as required. #SriLankaPolice #මේ_ඔබේ_පොලිසියයි #everyone