වෙසක් ගැන බෞද්ධයන්ට අති විශේෂ නිවේදනයක් - මේවා නීතියෙන් තහනමට - දැඩි දඬුවම් ලැබිය හැකි වරදක්

මධ්‍යම පරිසර අධිකාරිය විසින් ශ්‍රී ලාංකිකයන්ගෙන් මෙවර වෙසක් උත්සව සමයේ සිදුකරනු ලබන විවිධ සැරසිලි සහ දන්සැල් කටයුතු සඳහා පොලිතීන් හා ප්ලාස්ටික් භාවිත කිරීමෙන් වළකින ලෙස විශේෂ ඉල්ලීමක් කර ඇත.

මධ්‍යම පරිසර අධිකාරිය මෙම තීරණය ගෙන ඇත්තේ මිනිසා, සතුන් ඇතුළු මුළුමහත් පරිසර පද්ධතියම රැකගැනීමේ අරමුණින්ය.

වහාම ක්‍රියාත්මක වන පරිදි තැබෑරුම් වසා දමයි - රටම කළඹන හදිසි තීරණයට අත්සන මහ ඇමතිගෙන්

වෙසක් පහන් කූඩු, සැරසිලි සහ දන්සැල්වලදී බහුලව භාවිත වන පහත සඳහන් ද්‍රව්‍ය විකිණීම, ප්‍රදර්ශනය හෝ භාවිතය රජය විසින් නීතියෙන් තහනම් කර ඇත.

• තනි භාවිත අයිතම - ප්ලාස්ටික් බීම බට, කෝප්ප, පිඟන්, හැඳි, ගෑරුප්පු, පිහි 
• ආහාර ඇසුරුම් - පොලිස්ටියරින් (Lysis/Regiform) ආහාර බහාලුම් සහ පොලිතීන් ලන්ච්ෂීට්.
• සැරසිලි ද්‍රව්‍ය - ප්ලාස්ටික් මල්මාලා සහ සියලුම ආකාරයේ පොලිඑතිලින් හෝ පොලිප්‍රොපිලින් සැරසිලි ද්‍රව්‍ය.

2017 සහ 2023 වසරවල නිකුත් කරන ලද අදාළ ගැසට් පත්‍රවලට අනුව, ආගමික හෝ සංස්කෘතික උත්සවවලදී මෙම ද්‍රව්‍ය භාවිත කිරීම දඬුවම් ලැබිය හැකි වරදක් බවද මධ්‍යම පරිසර අධිකාරිය පෙන්වා දෙයි.

පොලිතීන් හා ප්ලාස්ටික් අක්‍රමවත්ව බැහැර කිරීම නිසා ඇළ දොළ ගංගා අපවිත්‍ර වීම, සතුන් එම ද්‍රව්‍ය ආහාරයට ගැනීමෙන් මියයාම සහ මයික්‍රො ප්ලාස්ටික් ශරීරගත වීමෙන් මිනිසාට බරපතළ සෞඛ්‍ය සංකූලතා ඇති විය හැකි බව එම අධිකාරිය සඳහන් කරයි. විශේෂයෙන් මේවා විවෘත පරිසරයේ දහනය කිරීමෙන් විෂ වායු පරිසරයට මුදා හැරෙන බවද පෙන්වා දී ඇත.

ලංකාවේ තෙල් මිල හා විදුලි බිල ඉහළට? ජනපති අනුරගෙන් ප්‍රකාශයක් නිකුත් වේ

මධ්‍යම පරිසර අධිකාරියේ සභාපති මහාචාර්ය තිලක් හේවාවසම් මහතා පවසන්නේ සියලු සත්ත්වයන්ගේ සුවසෙත උදෙසා කටයුතු කළ බුදුරජාණන් වහන්සේගේ තෙමඟුල සමරන වෙසක් සමයේ, පරිසරයට හානි නොවන අයුරින් කටයුතු කිරීම බෞද්ධයන්ගේ වගකීමක් බවයි. හැකි සෑම අවස්ථාවකදීම පරිසර හිතකාමී විකල්ප ද්‍රව්‍ය භාවිත කරන ලෙසත්, යම් හෙයකින් නොදිරන ද්‍රව්‍ය භාවිත කිරීමට සිදුවුවහොත් ඒවා නිසි පරිදි කළමනාකරණය කර බැහැර කරන ලෙසත් අධිකාරිය වැඩිදුරටත් ඉල්ලා සිටී.  

පෞද්ගලික අංශයේ වැටුප් ගැන ආරංචියක් - කම්කරු අමාත්‍යාංශයේ අවධානයට