වරායේ කන්ටේනර් 323 අතුරුදන්වීමේ විමර්ශන පිළිබඳ පාර්ලිමේන්තු විශේෂ කාරක සභාව කල් යයි

කොළඹ වරාය පරිශ්‍රයෙන් කිසිදු බාහිර පරීක්ෂාවකට ලක් කිරීමකින් තොරව රහසිගතව බහාලුම් 323 ක් මුදා හැරීමේ මහා පරිමාණ මූල්‍ය අවභාවිතය සම්බන්ධයෙන් සොයා බැලීමට පත් කළ පාර්ලිමේන්තු විශේෂ කාරක සභාවේ තීරණාත්මක රැස්වීම ඊයේ දිනයේදී පැවැත්වීමට නියමිතව තිබුණ ද, එය හදිසියේම කල් දමා ඇති බව වාර්තා වේ.

පාර්ලිමේන්තු ආරංචි මාර්ග සඳහන් කරන්නේ කල් දැමුණු මෙම විශේෂ කාරක සභා රැස්වීම ලබන සතියේ බදාදා දින නැවත පැවැත්වීමට මේ වන විට දින නියම කර ඇති බවයි.

රජයේ විශේෂ නිවාඩු දිනයක් ප්‍රකාශයට - ගැසට් නිවේදනය නිකුත් වේ

මෙම අතිශය ආන්දෝලනාත්මක බහාලුම් නිදහස් කිරීමේ සිදුවීම පිළිබඳව මූලික විමර්ශන කටයුතු සිදු කිරීම සඳහා මීට පෙර ජනාධිපතිවරයා විසින් විශේෂ පරීක්ෂණ කමිටුවක් පත් කර තිබුණි.

ඒ අනුව, ඉදිරි දිනවලදී පැවැත්වීමට නියමිත පාර්ලිමේන්තු කාරක සභා සැසිවාරයන් සඳහා එම ජනාධිපති විමර්ශන කමිටුවේ සාමාජිකයන්ව ද කැඳවා සාක්ෂි විමසීමට නියමිතව ඇත.

කොළඹින් නරක ආරංචියක් - රුපියල් බිලියන 3.03ක දැවැන්ත ශුද්ධ විදේශීය ගලායෑමක්

වර්තමාන අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා මෙම පාර්ලිමේන්තු විශේෂ කාරක සභාවේ සභාපතිවරයා ලෙස කටයුතු කරමින් විමර්ශන මෙහෙයවනු ලබයි.