රියදුරන්ට පොලීසියෙන් විශේෂ දැනුම්දීමක්..!
Sewvandhi
පොලීසිය විසින්, මහනුවර මහියංගණය ප්‍රධාන මාර්ගය මහනුවර පොලිස් වසමේ තැන්නේකුඹුර හන්දියෙන් හා හසලක පොලිස් වසමේ පාලම් හන්දියෙන් රාත්‍රී කාලයේදී වසා දැමීම නිසා රියදුරන්ට භාවිත කළ හැකි විකල්ප මාර්ග පිළිබඳව දැනුවත් කිරීමක් සිදුකර තිබේ.
ඒ අනුව විකල්ප මාර්ග පහතින් දැක්වෙයි -:
මහනුවර දෙස සිට මහියංගණය දෙසට ධාවනය වන බර වාහන තැන්නේකුඹුර හන්දියෙන් රජ මාවත දෙසට හා මහියංගණය දෙස සිට මහනුවර දෙසට ධාවනය වන බර වාහන හසලක පොලිස් වසමේ පාලම් හන්දියෙන් රන්දෙනිගල මාර්ගය දෙසටත් විකල්ප මාර්ග ලෙස භාවිතා කළ හැකිය.
එමෙන්ම මහනුවර දෙස සිට මහියංගණය දෙසට ගමන් ගන්නා සැහැල්ලු වාහනවලට පමණක් උඩුදුම්බර පොලිස් වසමේ එනමල්පොත හන්දියෙන් උඩුදුම්බර නගරයටත්, මහියංගණය දෙස සිට මහනුවර දෙසට ධාවනය වන සැහැල්ලු වාහන උඩුදුම්බර නගරයෙන් එනමල්පොත හන්දිය දක්වාත් විකල්ප මාර්ග ලෙස භාවිත කිරීමේ හැකියාව පවතී.
……………………………………………………………………………………
