අත්අඩංගුවට ගන්න ඒවා විමර්ශන ගැන අනාවැකි කියන්න පාර්ලිමෙන්තුවට එන්න එපා.. අපි පැනලා යන්නෙ නැහැ ජනතාව ඉල්ලන විසඳුම් දෙන්න - නාමල්

ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතා විසින් පාර්ලිමේන්තුව තුළ පුද්ගලයින් අත්අඩංගුවට ගැනීම් සහ විමර්ශන පිළිබඳව සාකච්ඡා කරමින් කාලය වැය නොකර, ශීඝ්‍රයෙන් ඉහළ යන ජීවන වියදම හමුවේ ජනතාව මුහුණ දෙන පීඩනයට විසඳුම් සෙවීම කෙරෙහි රජයේ අවධානය යොමු විය යුතු බව නිවේදනයක් නිකුත් කරමින් සඳහන් කර ඇත.

ඒ අනුව ඔහු පෙන්වා දෙන්නේ රට පුරා සිටින පවුල් මුහුණ දෙන ආර්ථික දුෂ්කරතාවලට ජනතාව ජනාධිපතිවරයාගෙන් විසඳුම් අපේක්ෂා කරනවා මිස, දැනට ක්‍රියාත්මක විමර්ශන සහ නීතිමය ක්‍රියාදාමයන් පිළිබඳව ඔහු සිදු කරන ප්‍රකාශයන් කෙරෙහි ජනතාවගේ උනන්දුවක් නොමැති බවයි.

එසේම අත්අඩංගුවට ගැනීම්, විමර්ශන හෝ අධිකරණ තීන්දු පිළිබඳව පූර්ව අනාවැකි පළ කිරීමට ජනාධිපතිවරයා පාර්ලිමේන්තුව වේදිකාවක් කර නොගත යුතු බව සඳහන් කරන නාමල් රාජපක්ෂ මහතා විමර්ශනය කළ යුතු පැමිණිලි තිබේ නම් ඊට අදාළ නීතිමය ක්‍රියාවලිය ස්වාධීනව ඉදිරියට යාමට ඉඩ හැරිය යුතු බව ද පවසයි. ඔහු වැඩිදුරටත් කියා ඇත්තේ,

සුරේෂ් සලේගේ ප්‍රශ්ණය ලෝකයම හොල්ලයි - ලියෝ පාප් වහන්සේට හදිසියේම ලිපියක්

"ඕනෑම නඩුවක් හෝ විමර්ශනයක් තිබේ නම් නීතියට අනුව එය සිදුවීමට ඉඩ දෙන්න. අපි ඕනෑම විමර්ශනයකට සහ නීතිමය ක්‍රියාවලියකට මුහුණ දීමට සූදානම්. මොකද අපිට අධිකරණ පද්ධතිය කෙරෙහි විශ්වාසයක් තියෙනවා, අපි කිසිම දේකින් පැනලා යන්නෙ නැහැ," යනුවෙන්.

එමෙන්ම භාණ්ඩ මිල සහ ගෘහස්ථ වියදම් ඉහළ යාම හේතුවෙන් මෙරට බහුතරයක් පවුල් දැඩි ආර්ථික පීඩනයකට ලක්ව ඇති බව සඳහන් කළ පාර්ලිමේන්තු මන්ත්‍රීවරයා වත්මන් රජය පොරොන්දු වූ යහපාලන ප්‍රතිපත්ති ඉටු කිරීමට අපොහොසත් වී ඇති බවට ද චෝදනා කර ඇත.

අත්අඩංගුවට පත් චරිත් අබේසිංහගේ පට්ටම ගැලවෙයි - වහාම ක්‍රියාත්මක වන පරිදි ධූරයෙන් නෙරපීමට නිවේදනයක්

තවද වත්මන් රජයේ ඇතැම් අමාත්‍යවරුන්ගේ දූෂණ සහ හැසිරීම් සම්බන්ධයෙන් මේ වන විට බරපතළ ප්‍රශ්න මතුව ඇති බව ද සඳහන් කළ ඔහු වත්මන් රජයේ අමාත්‍යවරුන් වගකීම් විරහිතව වත්කම් සහ දේපළ උපයා ගනිමින් සිටින බවට චෝදනා එල්ල වුවද, රජයේ සාමාජිකයින්ට එරෙහිව එල්ල වන එවැනි චෝදනා සම්බන්ධයෙන් බලධාරීන් කිසිදු පියවරක් නොගන්නා බවට චෝදනා කර ඇත.

එමෙන්ම ඔහු වැඩිදුරටත් අවධාරණය කළේ අත්අඩංගුවට ගැනීම් සහ උසාවි නඩු පිළිබඳව අදහස් දැක්වීම පසෙක තබා, ජනාධිපතිවරයා විසින් ජීවන වියදම් අර්බුදය, සාමාන්‍ය වැසියන් මුහුණ දෙන ආර්ථික අභියෝග සහ රජය තුළ සිදුවන දූෂණයන් පිළිබඳව ජනතාව තුළ පවතින කනස්සල්ල කෙරෙහි අවධානය යොමු කළ යුතු බවයි.

"දිනෙන් දින ඉහළ යන ජීවන වියදමට සහ තමන් මුහුණ දෙන ආර්ථික පීඩනයට ජනතාවට අවශ්‍ය කරන්නේ විසඳුම්. රටට මේ වෙලාවේ විසඳාගත යුතු ප්‍රධානම අර්බුදය එයයි," යනුවෙන් ඔහු පැවසුවා.  

පාසල් ක්ෂේත්‍රයම අනතුරේ - පොලීසිය මැදිහත්ව පාසල් සිසුන්ට දැනුවත් කිරීමක්