මෝදිගෙන් දැඩි අනතුරු ඇඟවීමක් -“බුද්ධිමය නක්සල්වාදීන්” ගැන නිදහස් දිනයේදි රටටම කියයි

ඉන්දියාවේ 80 වැනි නිදහස් දිනය වෙනුවෙන් නවදිල්ලියේ රතු බලකොටුවේ සිට ජාතිය අමතමින් අග්‍රාමාත්‍ය නරේන්ද්‍ර මෝදි මහතා නව ආකාරයක තර්ජනයක් පිළිබඳව අනතුරු ඇඟවීමක් සිදු කළේය.

එහිදී ඔහු “Dimaagi Naxal” හෙවත් “මානසික නක්සල්වාදීන්” ලෙස හඳුන්වන පිරිසක් පිළිබඳව සඳහන් කරමින්, එවැනි පුද්ගලයන් හඳුනාගෙන සමාජයෙන් හුදකලා කිරීමේ අවශ්‍යතාව අවධාරණය කළේය.

අධික උණුසුමත් එක්ක ප්‍රංශයට මහා ලැව්ගිනි ව්‍යසනයක් - හෙක්ටයාර් 1,100ක් ගින්නට දැවෙයි

කෙසේ වෙතත්, “Dimaagi Naxal” යන යෙදුමෙන් නිශ්චිතව කුමන පිරිසක් අදහස් කරන්නේද යන්න සම්බන්ධයෙන් අග්‍රාමාත්‍යවරයා වැඩිදුර පැහැදිලි කිරීමක් සිදු නොකළේය. මෝදි මහතා පැවසුවේ සන්නද්ධ නක්සල්වාදී තර්ජනය සැලකිය යුතු ලෙස පහව ගොස් ඇති නමුත්, තවදුරටත් “බුද්ධිමය නක්සල්වාදීන්” ලෙස හඳුන්වන බලපෑම් පවතින බැවින් ඒ පිළිබඳව අවධානයෙන් සිටිය යුතු බවයි.

ඉන්දියාවේ අභ්‍යන්තර ආරක්ෂාව සහ ජාතික එකමුතුව සම්බන්ධයෙන් අදහස් දක්වමින් ඔහු අවධාරණය කළේ රටේ සාමය හා ස්ථාවරත්වයට බලපෑම් කළ හැකි ඕනෑම ආකාරයක නව තර්ජනයක් පිළිබඳව ජනතාව අවධානයෙන් සිටිය යුතු බවයි.

අග්‍රාමාත්‍ය මෝදිගේ මෙම ප්‍රකාශය ඔහුගේ නිදහස් දින දේශනයේදී අවධානය දිනාගත් කරුණක් බවට පත්ව ඇති අතර, “Dimaagi Naxal” යන නව යෙදුම සම්බන්ධයෙන් ඉදිරියේදී තවත් පැහැදිලි කිරීම් සිදු වේද යන්න පිළිබඳවද අවධානය යොමුව තිබේ.  

බ්‍රිතාන්‍යය න්‍යෂ්ටික බලයක් සහිත පළමු ඉස්ලාමීය ජනරජය වෙයිද? - නෙතන්යාහුගෙන් ආන්දෝලනාත්මක කතාවක්