තංගල්ල නෙටොල්පිටියෙන් සොයාගත් ද්‍රව්‍යවල පරීක්ෂණ වාර්තා ගැන දැනුම්දීමක්

තංගල්ල නෙටොල්පිටිය ප්‍රදේශයේ ඉඩමක තිබි සොයා ගත් ද්‍රව්‍යවල පරීක්ෂණ වාර්තාව ලබන සතියේ පොලිසිය වෙත නිකුත් කිරීමට නියමිත  බව අන්තරායකර ඖෂධ පාලක ජාතික මණ්ඩලය පවසයි. එහි ප්‍රකාශකයෙකු සදහන් කළේ අදාළ ද්‍රව්‍යවල පරීක්ෂණ කටයතු මේ වන විට අවසන් අදියරේ පවතින බවය.

ඉන්දුනීසියාවේදී අත්අඩංගුවට ගනු ලැබු අපරාධ කල්ලි සාමාජිකයින්ගෙන් හෙළි වු තොරතුරු මත මිද්දෙණිය ප්‍රදේශයේ ඉඩමකවල දමා තිබියදී අයිස් මත්ද්‍රව්‍ය සෑදීමට යොදා ගන්නා බව කියන රසායනික ද්‍රව්‍ය තොගයක් සොයා ගනු ලැබීය.

වාහන ගැන සතුටු හිතෙන ආරංචියක්, වාහන ආනයනයෙන් රේගුවට බිලියන 430ක ආදායමක්

අනතුරුව තංගල්ල නෙටොල්පිටිය ප්‍රදේශයෙන් සහ කඳාන ප්‍රදේශයෙන් ද එවැනිම ද්‍රව්‍ය තොගයක් සොයා ගත් අතර එම ද්‍රව්‍ය සම්බන්ධයෙන් පරීක්ෂණ සිදුකිරීම සදහා එහි සාම්පල අන්තරායකර ඖෂක පාලක ජාතික මණ්ඩලයට සහ රස පරීක්ෂක දෙපාර්තමේන්තුවට භාරදී තිබුණි.

ඒ අනුව මිද්දෙණිය ප්‍රදේශයෙන් සොයා ගත් ද්‍රව්‍යවල මෙතැම්ෆෙටමීන් හෙවත් අයිස් අඩංගු බවට අන්තරායකර ඖෂක පාලක ජාතික මණ්ඩලය සහ රස පරීක්ෂක දෙපාර්තමේන්තුව මේ වන විටත් තහවුරු කර තිබේ.

ආයේ මේ අයව ඊශ්‍රායාල රැකියාවලට එවන්න එපා, තානාපතිගෙන් දැනුවත් කිරීමක්

අදාළ ස්ථානයෙන් ලබාගත් සාම්පල 20න් 17කම මෙතැම්ෆෙටමීන් රසායනික ද්‍රව්‍ය අඩංගු වූ බව අන්තරායකර ඖෂක පාලක ජාතික මණ්ඩලය ලබා දුන් වාර්තාවේ සඳහන් වෙයි.

ඒ අනුව තංගල්ල නෙටොල්පිටිය ප්‍රදේශයෙන් සොයා ගත් ද්‍රව්‍යවල පරීක්ෂණ වාර්තාව ද ඉදිරි සතිය තුල පොලිසිය වෙත භාරදීමට කටයුතු කරන බව අන්තරායකර ඖෂක පාලක ජාතික මණ්ඩලය සඳහන් කළේය. කඳාන ප්‍රදේශයෙන් සොයා ගත් ද්‍රව්‍ය වල පරීක්ෂණ වාර්තාව ද කඩිනමින් නිකුත් කිරීමට බලාපොරොත්තු වන බව එම මණ්ඩලය වැඩිදුරටත් සදහන් කළේය.

සම්පත් මනම්පේරී නීතිය නොමග යවන්න බොරු විදලා - මෙන්න විස්තරේ