මහපොළ ශිෂ්යත්වය ගැන විශ්වවිද්යාල සිසුන්ට විශේෂ නිවේදනයක්
වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්යාංශය මඟින් 2024/2025 අධ්යයන වර්ෂය සඳහා මහපොළ උසස් අධ්යාපන ශිෂ්යත්ව ප්රදානයට අදාළව, තේරී පත්වූ ශිෂ්ය ශිෂ්යාවන් මාර්ගගත ක්රමයට ලියාපදිංචි කිරීමේ කටයුතු ආරම්භ කර ඇති බව නිවේදනය කරයි.
ඒ අනුව එම අමාත්යාංශයේ මාධ්ය ලේකම් සමීර ප්රසාද් විජේසිංහගේ අත්සනින් යුතුව නිකුත් කරන ලද මාධ්ය නිවේදනයක සඳහන් වන්නේ, ලලිත් ඇතුලත්මුදලි මහපොළ උසස් අධ්යාපන ශිෂ්යත්ව අරමුදල විසින් අවසාන තේරීම් ලේඛනය අදාළ විශ්වවිද්යාල වෙත දැනටමත් යොමු කර තිබෙන බවයි.
එමෙන්ම ශිෂ්යත්ව සඳහා තේරී පත් වූ සිසුන්, 2026 අගෝස්තු 17 වන දිනට පෙර https://mahapola.lk/BankApp2025/ වෙබ් අඩවියට පිවිසිය යුතු බව සඳහන්.
එහිදී අමාත්යාංශය අවධාරණය කරන්නේ සිය ජාතික හැඳුනුම්පත් අංකය භාවිතා කරමින් මාර්ගගත ලියාපදිංචිය සම්පූර්ණ කළ හැකි බවයි.
එසේම අඳාළ නිවේදනයට අනුව, සිසුන් පහත කරුණු කෙරෙහි විශේෂ අවධානය යොමු කළ යුතුය:
මාර්ගගත ලියාපදිංචියෙන් පසු, අදාළ අයදුම්පත බාගත කර, අත්සන් තබා, බැංකු පොතේ පිටපතක් හෝ බැංකු ගිණුම තහවුරු කිරීමේ ලේඛනයක් ද සමඟ තමන්ගේ විශ්වවිද්යාලයට භාර දිය යුතුය.
ශිෂ්යත්ව මුදල් බැර කරනු ලබන්නේ අයදුම්කරුගේ නමින් පවතින ලංකා බැංකුවේ හෝ මහජන බැංකුවේ ඉතිරි කිරීමේ/ජංගම ගිණුමකට පමණි ඒකාබද්ධ බැංකු ගිණුම් පිළිගනු නොලැබේ. ලියාපදිංචියේදී ලබා දෙන බැංකු ගිණුම් විස්තර පසුව වෙනස් නොකළ යුතුය.
එසේ වෙනස් කිරීම ගෙවීම් ප්රමාද වීමට හේතු විය හැක. වලංගු ජංගම දුරකථන අංකයක් සහ විද්යුත් තැපැල් ලිපිනයක් ලබා දීම අනිවාර්ය වේ.
මේ අතර ශිෂ්යත්ව සඳහා මෙවර තේරී පත් නොවූ සිසුන්ගේ අභියාචනා පවතී නම්, ඒවා 2026 ඔක්තෝබර් 15 දිනට පෙර අදාළ විශ්වවිද්යාල මඟින් විශ්වවිද්යාල ප්රතිපාදන කොමිෂන් සභාව (UGC) වෙත යොමු කළ යුතු බව මහපොළ අරමුදල වැඩිදුරටත් දන්වා ඇත.
![පාර්ලිමේන්තු සභාවාරය ඇරඹෙයි [VIDEO]](https://cdn.ibcstack.com/article/e2e4c5ac-d6b0-47ba-b52e-6e5c26d57fa5/26-6a6194188d3ee-sm.webp)
![හරීන් ඇමතිතුමා වාචිකව පොරොන්දු වෙච්ච ඩොලර් ලක්ෂ තුන යුපුන් අපෙන් ඉල්ලනවා - රටක් ආදරය කළ යුපුන් කළකිරීමෙන් ක්රීඩාවෙන් සමුගද්දි ක්රීඩා ඇමති කට අරී [VIDEO]](https://cdn.ibcstack.com/article/ded762a6-9b9a-458b-90f3-f09ce9f6a977/26-6a60f83e3c1b6-sm.webp)
![නාමල් රාජපක්ෂට විපක්ෂ නායකත්වය.. දේශපාලන වේදිකා හොල්ලමින් විපක්ෂ නායකවරයාට පොහොට්ටුව ප්රසිද්ධියෙම කියයි [VIDEO]](https://cdn.ibcstack.com/article/3379e005-8639-43f4-a0e6-f501f2578ca2/26-6a5aefee6dd3e-sm.webp)
![උදේම අතුරුගිරියේ බිහිසුණු අනතුරක් - මාර්ගයේ ගමනාගමනය ඇණහිටී - දැඩි උත්සාහයකින් පසු 20 දෙනෙක් රෝහලට [VIDEO]](https://cdn.ibcstack.com/article/9d373480-49aa-46fd-8ec8-0a6022f344d2/26-6a5988ee4fbea-sm.webp)
![ප්රසිද්ධ ස්ථානයක අර්ච්චුනා යකා නටයි - පරුෂ වචන සමඟ පහරදීම් තත්ත්වය පාලනයට පොලිසිය කැදවයි [VIDEO]](https://cdn.ibcstack.com/article/34b9d782-a9f9-4ad8-a233-811dc6902499/26-6a58a2fb21c01-sm.webp)
