තැපැල් ඡන්ද අඩංගු රක්ෂිත පැකට් අද තැපැල් දෙපාර්තමේන්තුවට
Shehan
පළාත් පාලන ආයතන 114ක තැපල් ඡන්ද අඩංගු රක්ෂිත පැකට් අද (07) දිනයේ තැපැල් දෙපාර්තමේන්තුවට භාරදීමට කටයුතු සිදුකරන බව මැතිවරණ කොමිසම පවසයි.
කොමිසමේ සභාපති ආර්.එම්.එල්.ඒ. රත්නායක මහතා පැවසුවේ, අධිකරණ ක්‍රියාවලියෙන් පසු ඉතිරි පළාත් පාලන ආයතනවල තැපල් ඡන්ද පත්‍රිකා බෙදාහැරීම සඳහා අවශ්‍ය පියවර ගන්නා බවයි.
මේ අතර, පළාත් පාලන ආයතන ඡන්ද විමසීමට අදාළ තැපල් ඡන්ද රක්ෂිත පැකට් භාරගැනීමට මේ වන විට සියලු සූදානම් කටයුතු අවසන් බව තැපැල්පති රුවන් සත්කුමාර මහතා පවසයි.
ඔහු සඳහන් කළේ, අද පස්වරුවේ හෝ හෙට (08) දිනයේදී එම ඡන්ද පත්‍රිකා බෙදාහැරීම ආරම්භ කරන බවයි.
එසේම, සියලු පළාත් පාලන ආයතනවල තැපල් ඡන්ද පත්‍රිකා මුද්‍රණය කිරීම අවසන් කර ඇති බව රජයේ මුද්‍රණාලය පවසයි.
මුද්‍රණාලයාධිපති ප්‍රදීප් පුෂ්පකුමාර මහතා පැවසුවේ, එම තැපල් ඡන්ද පත්‍රිකා මැතිවරණ කොමිසම වෙත භාරදුන් බවයි.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
