දරුණු නායයෑම් - මේ පාරවල් වසා දමයි

පස්සර 13 කණුව අසල නායයාමක් සිදුව ඇති අතර මෙයට හේතුව බදුල්ල දිස්ත්‍රික්කයට බලපා ඇති අයහපත් කාලගුණය බව වාර්තා වේ. එම නිසා මාර්ග සංවර්ධන අධිකාරිය විසින් මාර්ගය මතට ගල් පෙරලීමෙන් මාර්ගය අවහිර වීම මත මතුව ඇති අවදානම් තත්ත්වය අවධානයට ගෙන එක් මංතීරුවක් පමණක් විවෘතව තැබීමට තීරණය කර ඇත.

ඊට අමතරව පස්සර ප්‍රාදේශීය ලේකම්තුමිය විසින් පස්සර කනවැරැල්ල බටහිර හෙළපොල ප්‍රදේශයේ නාය යාමක් සක්‍රීය වීම නිසා එහි පදිංචි පවුල් තුනක පුද්ගලයින් ඉවත් කර ආරක්ෂක ස්ථාන වෙත යැවීමට තීරණය කර තිබේ.

කාලගුණ විද්‍යා දෙපාර්තුමේන්තුවෙන් අවවාදාත්මක නිවේදනයක්

ජාතික ගොඩනැගිලි පර්යේෂණ සංවිධානය නිවේදනය කර ඇත්තේ පවතින අධික වර්ෂාපතනය හමුවේ දිස්ත්‍රික්ක කිහිපයක ප්‍රාදේශීය ලේකම් කොට්ඨාස කිහිපයකට පැනවූ නාය යාමේ අනතුරු ඇඟවීම් නිවේදනය අනුව එම ප්‍රදේශ ආශ්‍රිතව ජීවත් වන ජනතාව අවධානයෙන් සිටිය යුතු බවයි.

කාලගුණ විද්‍යා දෙපාර්තමේන්තුව විසින් ඉදිරි දින කිහිපය තුළද වැසි අපේක්ෂා කළ හැකි බව මේ වන විට දැනුම්දී ඇති බවත් ජාතික ගොඩනැගිලි පර්යේෂණ සංවිධානය පවසයි.

ජාතික ගොඩනැගිලි පර්යේෂණ සංවිධානය විසින් ඊයේ දිනයේදී බදුල්ල දිස්ත්‍රික්කයේ මෙම ප්‍රදේශ සදහා නායයාම් අනතුරු ඇඟවීම් නිවේදනයක් නිකුත් කළේය.ඒ අනුව,

හාලිඇල, ඇල්ල, බදුල්ල, පස්සර, කුරුණෑගල දිස්ත්‍රික්කයේ නාරම්මල, මාතලේ දිස්ත්‍රික්කයේ උකුවෙල, රත්තොට, මොනරාගල දිස්ත්‍රික්කයේ බඩල්කුඹුර, බිබිල, නුවරඑළිය දිස්ත්‍රික්කයේ කොත්මලේ ප්‍රාදේශීය ලේකම් කොට්ඨාස සඳහා විමසිලිමත් බවින් සිටින ලෙස දැනුම් දී ඇත.

අද 1න් පස්සේ එළියට බහින්නේ බලාගෙනයි

ඒ අනුව ඊයේ (05) පස්වරු 06.00 දක්වා බල පැවැත්වෙන අතර තවදුරටත් වැසි ඇදහැලෙමින් පවතින බැවින් මෙම ප්‍රදේශ ආශ්‍රිතව ජීවත් වන ජනතාව මේ සම්බන්ධව අවධානය යොමු කළ යුතු බවත් එම සංවිධානය පවසයි.

තවද මාර්ග භාවිත කරන්නන් දෙපස ඇති අනතුරුදායක ප්‍රදේශ පසුකරන විට මේ සම්බන්ධව සැළකිලිමත්වන ලෙසත් එම සංවිධානය මාර්ග භාවිත කරන රියදුරන්ගෙන් ඉල්ලා තිබේ.

එමෙන්ම මාර්ග දෙපස වෙළෙඳාම් කටයුතු කරන ජනතාව අනතුරුදායක ප්‍රදේශ ආශ්‍රිතව වෙළෙඳාම් කටයුතු සිදුකරන්නේ නම් එම ස්ථානවලින් ඉවත්ව ආරක්ෂිත ස්ථානයක් වෙත ගමන් කරන ලෙසත් එම සංවිධානය ජනතාව වෙත දැනුම් දීමක්ද කර ඇත.

බදු රහිත වාහන බලපත්‍ර ගැන ඇහෙන අලුත්ම ආරංචිය මෙන්න

එමෙන්ම යම් ආකාරයක පෙර නායයාම් ලක්ෂණ නිරීක්ෂණය වුවහොත් ඒ සම්බන්ධව ප්‍රදේශයේ ග්‍රාම නිලධාරිවරයා මෙන්ම ප්‍රාදේශීය ලේකම්වරයා දැනුවත් කරන ලෙසත් ඒ අනුව දිස්ත්‍රික්කයේ පවතින ජාතික ගොඩනැගිලි පර්යේෂණ සංවිධානයේ දිස්ත්‍රික් කාර්යාලය දැනුවත් කර අවශ්‍ය උපදෙස් ලබා ගෙන අවශ්‍ය ක්‍රියාමාර්ග ගන්නා ලෙසත් ජාතික ගොඩනැගිලි පර්යේෂණ සංවිධානය ජනතාවගෙන් ඉල්ලීමක් කර තිබේ.