රජයෙන් විශේෂ දැනුම්දීමක් - අධිවේගී මාර්ගයේ යන මේ අයට විශේෂ වට්ටමක්

කොළඹ කටුනායක අධිවේගී මාර්ගයේ ගමන් ගාස්තු ගෙවීම සාමාන්‍ය මුදල් හෝ බැංකු කාඩ්පත් මඟින් මෙන්ම  ETC හෙවත් ඉලෙක්ට්‍රොනික ගාස්තු එකතු කිරීමේ ක්‍රමවේදය ඔස්සේ වඩාත් කාර්යක්ෂමව සිදු කිරීමේ විශේෂ සේවාව ලබා ගැනීමට මහාමාර්ග සහ ප්‍රවාහන අමාත්‍යාංශය පියවර ගෙන තිබේ.

ඒ අනුව මෙම නවීන තාක්ෂණික පහසුකම් පිළිබඳව රියදුරන් සහ වාහන හිමිකරුවන් විශේෂයෙන් දැනුවත් කිරීම් අද 15 වැනිදා දිනයේදී නිල වශයෙන් සිදුවිය.

කොළඹ කටුනායක අධිවේගී මාර්ගයේ ගාස්තු ගෙවීම මුදල් හෝ කාඩ්පත් මඟින් මෙන්ම ඊ ටී සී මඟින් ද සිදුකිරීමේ සියලු පහසුකම් සලසා දී ඇති අතර, ETC පහසුකම් භාවිත කරන්නන් සඳහා අධිවේගී මාර්ගයට ඇතුළුවීමට සහ ඉන් පිටවීමට වෙන්වූ වෙනමම විශේෂ ධාවන තීරු ඇති බැවින්, එය භාවිතයෙන් කිසිදු කාල ප්‍රමාදයකින් තොරව ඇතුළුවීමේ සහ පිටවීමේ පහසුකම් ද රියදුරන් වෙත සලසා දී ඇත.

එසේම මෙම ETC පහසුකම් අඛණ්ඩව භාවිත කරන්නන්ට සෑම ගමන් වාරයක් සඳහාම නියමිත අධිවේගී මාර්ග ගාස්තුවෙන් 10% ක සුවිශේෂී මූල්‍ය වට්ටමක් ද මෙහිදී රජය මඟින් ලබාදේ.

මේ වනවිට පෑලියගොඩ, කෙරවලපිටිය, ජා ඇල සහ කටුනායක යන ප්‍රධාන හුවමාරු මධ්‍යස්ථානවලදී ඊ ටී සී මඟින් මෙම ස්වයංක්‍රීය ගෙවීම් කළ හැකි අතර, ඉදිරියේදී කඩවත සිට පිටත වටරවුම් මාර්ගය හරහා කටුනායක අධිවේගී මාර්ගයට පිවිසෙන වාහන සඳහා ද කඩවත අන්තර් හුවමාරු මධ්‍යස්ථානයේදී මෙම පහසුකම කඩිනමින් ලබාදීමට කටයුතු කරන බව ද අමාත්‍යාංශය සඳහන් කළේය.

මෙතෙක් මෙම ඊ ටී සී පහසුකම ලබාගැනීමේදී වාහන හිමිකරුවන් විවිධ පරිපාලනමය අපහසුතාවන්ට පත්වූ අතර, ඔවුන් ඒ සදහා ස්ථාන කිහිපයකටම පෞද්ගලිකව ගමන් කළයුතු විය.

නෝර්වේ රජ පවුලටම කැළලක් - ඔටුන්න හිමි කුමරියගේ පුත්‍රයාට වසර 4ක සිර දඬුවම් - හේතුව මෙන්න

මේ කෙරෙහි තමන්ගේ විශේෂ අවධානය යොමුකළ ප්‍රවාහන, මහාමාර්ග සහ නාගරික සංවර්ධන අමාත්‍යාංශය සහ මාර්ග සංවර්ධන අධිකාරිය එක්ව www.exway.rda.gov.lk යන නිල වෙබ් අඩවිය හරහා ඉතා පහසුවෙන් අන්තර්ජාලයෙන් ඊ ටී සී සදහා ලියාපදිංචි වීමට නව පහසුකම් සලසා දී තිබේ. එ

ලෙස සාර්ථකව ලියාපදිංචි වීමෙන් අනතුරුව තමන්ට පහසු ඕනෑම අධිවේගී මාර්ග හුවමාරු මධ්‍යස්ථානයකින් ආර් එෆ් අයි ඩී ටැග් එක ලබාගෙන, මෙම නිල වෙබ් අඩවිය හෝ ගොව්පේ යෙදවුම හරහා සිය බැංකු කාඩ්පත මඟින් තමාගේ පුද්ගලික ETC ගිණුමට මුදල් බැර කිරීම හෙවත් ටොප් අප් කරගැනීමෙන් පසුව, කිසිදු බාධාවකින් තොරව අධිවේගී මාර්ගයේ අදාළ ගමන් ගාස්තුව ස්වයංක්‍රීයව අයවී ගේට්ටු විවෘත වන බැවින්, කිසිදු වාහන තදබදයකින් හෝ අවහිරයකින් තොරව පිටවිය හැකි බව ද අමාත්‍යාංශය සඳහන් කළේය.

මේ අතර කිසිදු තාක්ෂණික අවහිරතාවයකින් තොරව මෙම ඊ ටී සී පහසුකම භාවිත කිරීම සඳහා ඇතුළුවීමේ සහ පිටවීමේ ස්වයංක්‍රීය පර්යන්ත ස්ථානවලදී වාහන ධාවනය කිරීමේදී පැයට කිලෝමීටර් 15 ක අඩු වේගයක් ස්ථාවරව පවත්වා ගන්නා ලෙසත්, තමන්ගේ ඉදිරියෙන් ඇති වාහනය සමඟ සැමවිටම මීටර් 20 ක ආරක්ෂිත පරතරයක් තබාගැනීමට වගබලා ගන්නා ලෙසත් මාර්ග සංවර්ධන අධිකාරිය සමස්ත රියදුරන් වෙත දැඩිව දන්වා සිටියි.

රුපියල යළි ශක්තිමත් වෙයි - අද ඩොලරයේ මිල ගණන් මෙන්න