ලංකාවේ පළාත් හතක් අවදානමේ - ශ්‍රී ලාංකික ජනතාවට අනතුරු නිවේදන නිකුත් කරයි

පවතින වැසි සහිත කාලගුණ තත්ත්වය හේතුවෙන් රට පුරා පළාත් හතක ඩෙංගු රෝගීන් සංඛ්‍යාව ඉහළ ගොස් ඇති බව ජාතික ඩෙංගු මර්දන ඒකකය (NDCU) පවසයි.

බස්නාහිර, දකුණු, සබරගමුව, ඌව, උතුරු, නැගෙනහිර සහ මධ්‍යම යන පළාත්වල මෙම තත්ත්වය දක්නට ලැබෙන බව එම ඒකකයේ අධ්‍යක්ෂ වෛද්‍ය කපිල කන්නන්ගර මහතා සඳහන් කළේය.

රට පුරා වාහන ආදායම් බලපත්‍ර ලබා ගැනීම සඳහා - හෙට සිට ක්‍රියාත්මක වන විශේෂ නීතිය මෙන්න

ප්‍රාදේශීය ලේකම් කොට්ඨාස 130ක් පමණ තුළ මදුරු කීටයන්ගේ ඝනත්වය ඉහළ ගොස් ඇති බවත්, එමගින් රෝගය තවදුරටත් ව්‍යාප්ත වීමේ අවදානමක් මතුව ඇති බවත් ඔහු පැවසීය.

මේ හේතුවෙන්, නොවැම්බර් මස 9 වැනිදා සිට 14 වැනිදා දක්වා දිස්ත්‍රික්ක 13ක් ආවරණය වන පරිදි විශේෂ මදුරු මර්දන වැඩසටහන් ක්‍රියාත්මක කිරීමට නියමිතය.

මෝටර් රථ ප්‍රවාහන දෙපාර්තමේන්තුවෙන් නිවේදනයක් - මහජනතාව වෙත විශේෂ දැනුම්දීමක්

මෙම වසරේ මේ දක්වා කාලය තුළ රට පුරා ඩෙංගු රෝගීන් 105,500ක් පමණ වාර්තා වී ඇති අතර, මරණ 79ක් ද වාර්තා වී තිබේ. ඩෙංගු රෝගය තවදුරටත් ව්‍යාප්ත වීම වැළැක්වීම සඳහා, තම නිවෙස් සහ සේවා ස්ථාන අවට ඇති මදුරුවන් බෝ විය හැකි ස්ථාන විනාශ කරමින් අවශ්‍ය පූර්වාරක්ෂක පියවර ගන්නා ලෙස වෛද්‍ය කන්නන්ගර මහතා මහජනතාවගෙන් ඉල්ලා සිටී.