ශ්‍රී ලංකා පොලිසියෙන් විශේෂ ඉල්ලීමක් - හෙට 6.53 සිට වලංගුයි

ශ්‍රී දළදා මාලිගය විසින් වාර්ෂිකව පවත්වනු ලබන මහනුවර ඓතිහාසික ඇසළ පෙරහර මංගල්‍යයේ තෙවන කුඹල් පෙරහර හෙට (20) වීථි සංචාරය කිරීමට නියමිතයි.

ඒ සඳහා ශ්‍රී ලංකා පොලීසිය විසින් විශේෂ ආරක්ෂක වැඩපිළිවෙළක් සහ රථවාහන සැලැස්මක් ක්‍රියාත්මක කර ඇත.

ඒ අනුව අගෝස්තු 18 වන දින ආරම්භ වූ මෙවර ඇසළ පෙරහර මංගල්‍යය අගෝස්තු 28 වන දින දක්වා පැවැත්වෙන අතර, මහනුවර නගරයට පැමිණෙන ජනතාවගේ ආරක්ෂාව සහ රථවාහන තදබදය අවම කිරීම සඳහා මාර්ග බාධක, ආරක්ෂක රාජකාරි, රථවාහන හා පුද්ගලයින් පරීක්ෂා කිරීම් ඇතුළු පුළුල් වැඩපිළිවෙළක් දියත් කර තිබෙනවා.

එබැවින් තෙවන කුඹල් පෙරහර හෙට සවස 18:53 ට මාලිගාවෙන් ආරම්භ වීමට නියමිතයි.

ගැසට් පත්‍රයකින් මෙම රාජ්‍ය සේවකයන් බඳවා ගැනීමේ කාලය දීර්ඝ කරන බවට විශේෂ දැනුම්දීමක් - තනතුරු රැසකට අයදුම්පත්

දළදා වීදියෙන් ගමන් මාර්ගය ආරම්භ වී ඩී.එස්.සේනානායක වීදිය, කොළඹ වීදිය, කොටුගොඩැල්ල වීදිය සහ රජ වීදිය ඔස්සේ ගමන් කර නැවත මාලිගාවට ගෙවැදීමට නියමිතය. එසේම කිලෝමීටර් 1 යි මීටර් 250 ක් පෙරහැර ගමන් කිරීමට නියමිත බව සඳහන්.

ඒ අනුව රථවාහන සැලැස්ම සහ විකල්ප මාර්ග ලෙස, පෙරහර කාලසීමාව තුළ මහනුවර නගරය තුළ ගමන් ගන්නා රියැදුරන් සඳහා පහත විකල්ප මාර්ග හඳුන්වා දී තිබෙනවා.

කටුගස්තොට සිට පැමිණෙන බර වාහන - මහයියාව හන්දියෙන් තිලක් රත්නායක මාවත ඔස්සේ පොලිසිය හන්දිය හරහා නගරයට පිවිසිය හැකිය.

කටුගස්තොට දෙසින් පැමිණෙන සැහැල්ලු වාහන - ඩී.එස්. සේනානායක වීදිය - හරස් වීදිය - යටිනුවර වීදිය ඔස්සේ පැමිණ දකුණට හැරී, මීරමක්කම් පල්ලිය අසලින් වමට ධාවනය කර තිලක් රත්නායක මාවත ඔස්සේ ගමන් කළ හැකිය.

කටුගස්තොට දෙසට පිටවන වාහන - පොලිසිය හන්දියෙන් තිලක් රත්නායක මාවත ඔස්සේ මහයියාව දෙසට ගමන් කළ යුතුය.

මුහුදු රළ උස ඉහළ යාම පිළිබඳව අවවාදාත්මක නිවේදනයක් - මේ ප්‍රදේශවලින් මුහුදු රළ ගොඩබිමට එයි.. සූදානම් වන්නැයි දන්වයි

තැන්නේකුඹුර හා අම්පිටිය දෙසින් පැමිණෙන වාහන - සංඝරාජ මාවත ඔස්සේ වේල්ස් පාර්ක් හන්දියට පැමිණ, ඇහැලේපොළ කුමාරිහාමි මාවතෙන් දකුණට හැරී බෝගම්බර, දුම්රියපොළ අසලින් කොළඹ දෙසට (වම් පසට) හෝ නගරය දෙසට (දකුණු පසට) ගමන් කළ හැකිය.

එසේම රජපිහිල්ල මාවත හන්දියෙන් පල්ලිය පාර ඔස්සේද නගරයට ඇතුළු විය හැක. නගරයේ සිට අම්පිටිය, තෙල්දෙණිය මාර්ගයේ ගමන් කරන වාහන - ඔරලෝසු කණුව වටරවුමෙන් දළඳා වීදිය ඔස්සේ පැමිණ, රැජිණ හෝටලයේ පැති දොරටුව අසලින් ජෝයි බෝට්ටු සේවය පසු කර සංඝරාජ මාවත ඔස්සේ ගමන් කළ හැකිය.

තවද, බෝගම්බර වට රවුමේ ඇහැලේපොළ කුමාරිහාමි මාවත, රජපිහිල්ල මාවත සහ වේල්ස් පාර්ක් හන්දිය හරහාද අම්පිටිය හා තැන්නේකුඹුර දෙසට යා හැක.

කොළඹ දෙසින් පැමිණෙන සහ පිටවන වාහන - විලියම් ගොපල්ලව මාවත සහ පරණ පේරාදෙණිය පාර දෙපසම ඒ සඳහා භාවිතා කළ හැකිය.

ඒ අනුව මෙම විශේෂ ආරක්ෂක හා රථවාහන විධිවිධානයන්ට පූර්ණ සහයෝගය ලබා දෙන ලෙස ශ්‍රී ලංකා පොලිසිය මහජනතාවගෙන් සහ රියැදුරන්ගෙන් කාරුණිකව ඉල්ලා සිටින බව සඳහන්.

ඊයේ රනිල් රටටම කිව්ව අසුබ ආරංචියත් එක්ක IMF ගනුදෙනුවට ඉස්සරහට වෙන දේ - මහ බැංකු අධිපතිගෙනුත් ප්‍රකාශයක්

සුළු මොහොතකට පෙර හිටපු කැබිනට් අමාත්‍ය බිරිඳක් ගොඩනැගිල්ලකින් වැටී මරුට