මෙරට සමාජ ක්‍රියාකාරිකයකු වහාම බන්ධනාගාර ගත කෙරේ..!

අත්අඩංගුවට ගත් සමාජ ක්‍රියාකාරිකයකු වන කැළුම් ජයසුමන, උතුරු ප්‍රදේශයේ මහවිරු සැමරුම් උත්සව පැවති බවට අසත්‍ය තොරතුරු පළ කිරිමේ සිද්ධියටකට අදාළව ලබන මස 04 වනදා දක්වා රක්ෂිත බන්ධනාගාරගත කෙරුණා.

සමාජ ක්‍රියාකාරිකයෙකු වන මෙම පුද්ගලයා සිය මුහුණු පොත ඔස්සේ උතුරු ප්‍රදේශයේ මහවිරු සැමරුම් ඇති බවට තොරතුරු පළ කර තිබුණා. ඒ අනුවයි ඔහු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන කොළඹ මහේස්ත්‍රාත්වරයා හමුවට ඉදිරිපත් කරනු ලැබුවේ.

මේ අතර, මහවිරු දින සැමරුම් ප්‍රවර්ධනය වන අයුරින් ප්‍රචාරයන් සිදු කිරිමට අදාළව පොලිසිය මීට පෙරද සැකකරුවන් තුන් දෙනෙකු අත්අඩංගුවට ගෙන තිබුණා.

37 හැවිරිදි වියේ පසුවන ඉන් එක් අයෙකු චුන්නාකම් ප්‍රදේශයේ දී ත්‍රස්ත මර්ධන හා විමර්ශන කොට්ඨාසයේ යාපනය උප ඒකකය මගින් අත්අඩංගුවට ගෙන ඇති අතර, අනෙක් දෙදෙනා ගෙන් එක් අයෙකු බද්දේගම පදිංචි 28 හැවිරිදි අයෙක්. එහිදී ෆේස්බුක් ගිණුමක් පවත්වාගෙන ගිය පුද්ගලයෙකු ද ඊයේ (30) අත්අඩංගුවට ගෙන තිබුණා.