හෝමූස් සමුද්‍ර සන්ධියෙන් යන්න චීන නැව්වලට පමණක් ඉරානය අවසර

ඉරානය විසින් හෝර්මුස් සමුද්‍ර සන්ධිය බොහෝමයක් නෞකාවලට වසා දමා, චීන තෙල් නැව්වලට පමණක් යාමට ඉඩ දී ඇති බව විදෙස් මාධ්‍ය වාර්තා කර තිබෙනවා.

ඇමරිකාව සහ ඊශ්‍රායල විසින් එල්ල කළ ප්‍රහාර හමුවේ ඉරානය මෙම තීරණය ගෙන ඇති අතර, එය චීනය විසින් යුද්ධය අතරතුර පෙන්වූ සහයෝගයට සහ ආර්ථික සම්බාධක ප්‍රතික්ෂේප කිරීමට ලබා දුන් සහයෝගයට කෘතඥතාව පළ කිරීමේ සංකේතයක් ලෙසයි විස්තර වන්නේ. සමහර වාර්තාවලට අනුව රුසියාවේ නෞකාවලට ද මෙම විශේෂ ඉඩකඩ ලැබී ඇති බව සඳහන් වුවද, ප්‍රධාන වශයෙන් චීන තෙල් නැව්වලට මෙය බලපවත්වා තිබෙනවා.

ඉරානේ පාලනය කරන්න එන ඕනෑම අනුප්‍රාප්තිකයෙක් ඝාතනයේ ඉලක්කයක් - ඊශ්‍රායලයෙන් මාරාන්තික අනතුරු ඇඟවීමක්

ලෝක බොරතෙල් සැපයුමෙන් සියයට 20කට ආසන්න ප්‍රමාණයක් (දිනකට බැරල් මිලියන 20කට ආසන්න) මෙම සමුද්‍ර සන්ධිය හරහා ගමන් කරන බැවින්, මෙම අත්හිටුවීම හෝ සීමා කිරීම ජාත්‍යන්තර බොරතෙල් වෙළඳපොළේ මිල ඉහළ යාමට හේතු වී ඇති අතර, තවදුරටත් තීව්‍ර විය හැකි බව ආර්ථික විශ්ලේෂකයන් අනතුරු අඟවා තිබෙනවා.

ඉන්දියන් සාගරයේ ඇමරිකානු පහරදීම - ඉරාන නැවට ප්‍රහාර එල්ල කිරීමේ දර්ශන එලියට

ඉරානයේ විප්ලවවර්ධන ආරක්ෂක බලකාය විසින් නෞකාවලට එවන රේඩියෝ පණිවිඩවලින් "කිසිම නෞකාවකට සමුද්‍ර සන්ධිය හරහා යාමට ඉඩ නොදෙන බව" ප්‍රකාශ කර ඇති අතර, අනවසර ගමන් කිරීමට උත්සාහ කරන නෞකාවලට ප්‍රහාර එල්ල කිරීමට හෝ ගිනි තැබීමට තර්ජනය කර තිබෙනවා. මේ හේතුවෙන් බොහෝ තෙල් සමාගම් සහ නැව් සමාගම් මෙම මාර්ගය හරහා ගමන් අත්හිටුවා ඇති අතර, නෞකා ගමන් බිමන්වලට බරපතල බාධා ඇති වී තිබෙනවා.

චීනය විසින් මෙම තත්ත්වය සම්බන්ධයෙන් සියලු පාර්ශ්වයන්ගෙන් නෞකා ආරක්ෂාව තහවුරු කරන ලෙස ඉල්ලා ඇති අතර, තමන්ගේ බොරතෙල් සැපයුම්වලට (විශේෂයෙන් ඉරානයෙන් ලැබෙන බැරල්වලින් සැලකිය යුතු ප්‍රමාණයක්) බලපෑම් එල්ල වන බැවින් තත්ත්වය සමනය කිරීමට බලපෑම් කරමින් සිටින බව වාර්තා වෙනවා.

COSCO සමූහය මැදපෙරදිග නැව්ගත කිරීම් තාවකාලිකව අත්හිටුවයි

ඊශ්‍රායල ආර්ථිකය කඩා වැටෙන ලකුණු - දැනටමත් යුද්ධ පාඩුව බිලියන 2.9 දක්වා ඉහළට