විපක්ෂ සාමාජිකයින්ගේ පාතාල සබඳතා ගැන ආරක්ෂක ඇමති කට අරී

විපක්ෂ සාමාජිකයින්ගේ පාතාල සබඳතා විමර්ශනයට රජය විසින් පාතාල කණ්ඩායම් සමඟ සම්බන්ධතා පවත්වන විපක්ෂ පක්ෂ සාමාජිකයින් පිළිබඳව විමර්ශන පැවැත්වීමට තීරණය කර ඇති බව නිවේදනය කර තිබේ.

මහජන ආරක්ෂක අමාත්‍ය ආනන්ද විජේපාල මහතා මේ බව ප්‍රකාශ කළේය.

සංවිධානාත්මක අපරාධ කල්ලි සමඟ සබඳතා ඇති විපක්ෂ දේශපාලනඥයින් පිළිබඳ විමර්ශනය කර පියවර ගැනීමට උපදෙස් ලබා දී ඇති බව ඔහු සඳහන් කළේය.

රනිල් කොළඹ මහ නගර සභාවේ බලය අල්ලයි හොර ගේම් එළියට

අමාත්‍යවරයා මේ බව පැවසුවේ ඉංග්‍රීසි මාධ්‍ය ආයතනයක් සමඟ පැවති සම්මුඛ සාකච්ඡාවකදීය.

ජාතික ආරක්ෂාව ගැන පාර්ලිමේන්තුවේදී කතා කරන විපක්ෂ මන්ත්‍රීවරුන්ගේ පක්ෂවල, සංවිධානාත්මක අපරාධ කල්ලි සමඟ සම්බන්ධ සාමාජිකයන් සිටින බව ඔහු පෙන්වා දුන්නේය.

මෙවැනි පුද්ගලයින් 50කට වැඩි පිරිසක් හඳුනාගෙන ඇති බව අමාත්‍යවරයා පැවසීය. මෙම පුද්ගලයින් පිළිබඳ විමර්ශනය කර අවශ්‍ය ක්‍රියාමාර්ග ගන්නා ලෙස පොලිසියට සහ අපරාධ පරීක්ෂණ දෙපාර්තමේන්තුවට උපදෙස් ලබා දී ඇති බව ඔහු ප්‍රකාශ කළේය.

එක්සත් ජාතික පක්ෂය, සමගි ජන බලවේගය, ශ්‍රී ලංකා පොදුජන පෙරමුණ, සහ සර්වජන බලය ඇතුළු පක්ෂ කිහිපයක අපේක්ෂකයින් අපරාධ කල්ලි සමඟ සම්බන්ධව සිටි බව අමාත්‍යවරයා හෙළි කළේය.

‘අපේ වාහනවලට ලංකාවේ බදු වැඩියි..’ - ජපානය කියයි

විශේෂයෙන්, මෑතකදී පැවති පළාත් පාලන මැතිවරණයට තරඟ කළ විපක්ෂ අපේක්ෂකයින් කිහිපදෙනෙක් සංවිධානාත්මක අපරාධ කල්ලි සමඟ සම්බන්ධතා පැවැත්වූ බව ආනන්ද විජේපාල මහතා පාර්ලිමේන්තුවේදී ප්‍රකාශ කළ බව සුවිශේෂීය.