දරුවන් ඉන්න තනි වූ දෙමාපියන්ට රජයෙන් 12000ක දීමනාවක්

දරිද්‍රතාවයෙන් පෙළෙන තනි මව්වරුන් සහ පියවරුන් සඳහා මාලදිවයිනේ රජය ලබාදෙන මාසික දීමනාව රුෆියා 12,000 දක්වා වැඩි කිරීමට පියවර ගෙන ඇත.

ඒ අනුව එය ලබන වසරේ ජනවාරි 1 වැනිදා සිට ක්‍රියාත්මක වීමට නියමිතය. රජය මෙම වැඩි දීමනාවට අවශ්‍ය මුදලක් ලෙස 2026 වසරේ රාජ්‍ය අයවැයෙන් රුෆියා මිලියන 211 ක මුදලක් වෙන් කර තිබේ.

රජයේ නිල වාර්තා අනුව, මේ වනවිට පුද්ගලයින් 5,878 දෙනෙකු මෙම මූල්‍ය ආධාරයට සුදුසුකම් ලබා ඇති බව සඳහන් වේ. නව සංශෝධනය අනුව එක් දරුවෙකු සඳහා මාසිකව රුෆියා 3,000 ක් ලෙස උපරිම දීමනාවක් ගෙවනු ලබන අතර, උපරිම වශයෙන් දරුවන් සිව්දෙනෙක් (4) දක්වා මෙම දීමනාව ලබා ගත හැක.

හිරුට සාධාරණය ඉල්ලා නාමලුත් පෙරට.. - නාමල් ආණ්ඩුවට සැර වෙයි

ඒ අනුව, එක් තනි මාපියෙකුට මාසික උපරිම රුෆියා 12,000 ක් සහ වාර්ෂික උපරිම රුෆියා 144,000 ක් ලබාගත හැක.

මෙයට පෙර, එක් දරුවෙකුට ලබා දුන් මාසික දීමනාව රුෆියා 1,000 ක් පමණ වන අතර, මාසික උපරිම සීමාව රුෆියා 10,000 ක් පමණක් වේ.

මෙම දීමනාව ඉහළ නැංවීම ජනාධිපති ආචාර්ය මොහොමඩ් මුයිසු විසින් සිය මැතිවරණ සමයේදී ලබාදුන් පොරොන්දුවක් ඉටු කිරීමක් බව සඳහන්.

හෙළයේ ගීත කෝකිලාවියගේ අවසන් කටයුතු ගැන දැනුම්දීම