වැඩේ හරි.... පාතාලයට සම්බන්ධ මන්ත්‍රීලාගේ නම් ලැයිස්තුවක්

කල්ලි සහ පාතාල කණ්ඩායම් සමඟ සම්බන්ධතාවය ඇති දේශපාලනඥයන්ගේ නම් ලැයිස්තුවක් සකස් කර ඇති අතර, එම ලැයිස්තුව ඔවුන් අයත් දේශපාලන පක්ෂවල නායකයන්ට ඉදිරියේදී බාරදීමට නියමිත බව වැඩබලන පොලිස්පති ප්‍රියන්ත වීරසූරිය මහතා සඳහන් කළේය.

ඔහු වැඩිදුරටත් පැහැදිලි කළේ, ආරක්ෂාව අවශ්‍ය බවට ඉල්ලීම් කරන මන්ත්‍රීවරුන්ගේ ඉල්ලීම් සලකා බැලීම සඳහා ඒවා ජාතික ආරක්ෂක කවුන්සිලයට ඉදිරිපත් කරන බවයි.

මෙම කරුණු ඔහු පවසා සිටියේ, කතානායක වෛද්‍ය ජගත් වික්‍රමරත්න, විපක්ෂ නායක සජිත් ප්‍රේමදාස සහ ආණ්ඩු පක්ෂය හා විපක්ෂය නියෝජනය කරන මන්ත්‍රීවරුන්ගේ මූලිකත්වයෙන් පැවැති විශේෂ සාකච්ඡාවකදීය. සාකච්ඡාවේදී, මන්ත්‍රීවරුන්ට ආරක්ෂාව ලබාදීම සම්බන්ධයෙන් ඉදිරිපත් වන තක්සේරු වාර්තා පිළිබඳ ප්‍රගතිය පොලිස්පතිවරයාට සීඝ්‍රයෙන් දැනුම්දෙන්නැයි කතානායකවරයා උපදෙස් දුනි.

වැදූ මව සහ බාප්පා එක්ව අවුරුදු 3 මල් කැකුලට කළ අපරාධය

වැඩබලන පොලිස්පතිවරයා පෙන්වා දුන්නේ, මෑත කාලයේ සිදුවූ මනුෂ්‍ය ඝාතන කිහිපයක් පාතාල කල්ලියන් සහ මත්ද්‍රව්‍ය ජාවාරම්කරුවන් අතර ඇති වූ ගැටුම්වල ප්‍රතිඵල බවත්, ඒ සම්බන්ධීකරණයට පළාත් සහ ප්‍රදේශීය මට්ටමේ දේශපාලනඥයන් ද සම්බන්ධ වී ඇති බවත්ය.

ඔහු තවදුරටත් පැවසුවේ, ආරක්ෂාව අවශ්‍ය බව තහවුරු වූ මන්ත්‍රීවරුන්ට සුදුසු ආරක්ෂාව ලබාදීමට දැනටමත් ක්‍රියාමාර්ග ගත් බවය. මෙම සාකච්ඡාවේදී විපක්ෂයේ සහ ආණ්ඩු පක්ෂයේ නායකයන් තම පාර්ශ්වයේ මන්ත්‍රීවරුන්ට ඇති ආරක්ෂක අවශ්‍යතා පිළිබඳව කරුණු ඉදිරිපත් කළහ.

මෙහිදී පාර්ලිමේන්තු මන්ත්‍රී වෛද්‍ය රාමනාදන් අර්ජුනා මහතා සඳහන් කළේ, තමන්ට ආරක්ෂාව සලසා ගැනීම සඳහා ආරක්ෂක සේවාවක් නොමැති නම්, ගිනිඅවි ලබාදෙන ලෙස ඉල්ලීමට බලාපොරොත්තු වන බවයි.

මන්ත්‍රී ගජේන්දු කුමාර් පොන්නම්බලම් සහ දිලිත් ජයවීර මහත්වරුන් ද අදහස් දැක්වීය.

ඔවුන් පැවසුවේ, ආරක්ෂක තක්සේරු වාර්තාව ලැබෙන තෙක්, ආරක්ෂාව අවශ්‍ය යැයි පවසන මන්ත්‍රීවරුන්ට එම ආරක්ෂාව ලබාදිය යුතු බවත්, වාර්තාව ලැබුණු පසු එහි නිර්දේශ අනුව ක්‍රියා කළ හැකි බවත්ය.

මෙම සාකච්ඡාවට විපක්ෂ නායක සජිත් ප්‍රේමදාස, විපක්ෂයේ ප්‍රධාන සංවිධායක ගයන්ත කරුණාතිලක, විපක්ෂය නියෝජනය කරන පක්ෂ නායකයන්, ආරක්ෂක අංශවල නිලධාරීන් සහ ආරක්ෂක කොට්ඨාසයේ අධ්‍යක්ෂවරයා ද සහභාගී විය.  

ඉස්සරහෙන් පොලිස් රැකවල් - පිටිපස්සෙන් ඇවිත් හොරකන් කරලා