18ට වැඩි අය බදු අංකය ලබා ගන්න විදිය මෙන්න.. අංකයක් නැත්නම් රුපියල් 50,000ක දඩයක්..

වයස අවුරුදු 18ට වැඩි පුද්ගලයින් බදු අංක සඳහා ලියාපදිංචි කරවීම මේ වනවිට ආරම්භ කර ඇති බව දේශීය ආදායම් දෙපාර්තමේන්තුව ප්‍රකාශ කර සිටිනවා.

එම දෙපාර්තමේන්තුව සඳහන් කළේ, ඊට අදාළ අයදුම්පත තම වෙබ්අඩියට පිවිසීමෙන් පිරවිය හැකි බවයි.

තක්සේරු වර්ෂයක් සඳහා රුපියල් 1,200,000කට වැඩි ආදායමක් ලබන ඕනෑම පුද්ගලයෙකු බදු ගොනුවක් විවෘත කළ යුතු වේ.

එම දෙපාර්තමේන්තුව සඳහන් කළේ තක්සේරු වර්ෂයක් ලෙස සැලකෙන්නේ, වසරේ මාර්තු 31 දක්වා වන කාලය බවයි.

බදු ගෙවන්නන් හඳුනාගැනීමේ අංකයක් ලබා නොගතහොත් රුපියල් 50,000ක දඩයකට යටත් කෙරෙන බව ද දේශීය ආදායම් දෙපාර්තමේන්තුව වැඩිදුරටත් ප්‍රකාශ කරයි.

මෙලෙස ලියාපදිංචිය ලබා නොගන්නා පුද්ගලයින් දේශීය ආදායම් දෙපාර්තමේන්තුව විසින් ලියාපදිංචි කරන බවටයි පැවසෙන්නේ.

ලියාපදිංචි වීමට මෙතැනින් පිවිසෙන්න,

                                                                                                  Sponsored By Sarrita Jewellery