ගම්පහ අපරාධ අංශයේ ස්ථානාධිපතිවරයා රිමාන්ඩ් - මෙන්න හේතුව

කොළඹ මහේස්ත්‍රාත් අධිකරණය විසින් අල්ලස් ලබා ගැනීමේ සිද්ධියක් සම්බන්ධයෙන් අත්අඩංගුවට ගත් ගම්පහ මූලස්ථාන පොලීසියේ අපරාධ අංශයේ ස්ථානාධිපතිවරයා ලබන 06 වනදා දක්වා රක්ෂිත බන්ධනාගාර ගත කරන ලෙස නියෝග කර ඇත.

මෙම සැකකරුව අල්ලස් කොමිසම මගින් ජා - ඇල දඬුගම ප්‍රදේශයේ ව්‍යාපාරිකයකු විසින් කරන ලද පැමිණිල්ලකට අනුව අත්අඩංගුවට ගත් අතර අද (26) දින කොළඹ මහේස්ත්‍රාත් අධිකරණයට ඉදිරිපත් කර ඇත.

ආපදාවට ලක්වුවන්ට කෝටිය බැගින් අරමුදලක් - අමාත්‍යවරයා ප්‍රකාශ කරයි

මොහුට අදාල පැමිණිල්ල වී ඇත්තේ වෙනත් පුද්ගලයකු විසින් සොරකම් කර ඇති රන් භාණ්ඩ පැමිණිලිකරු මිලදී ගෙන ඇති බවත් එම සොර බඩු සම්බන්ධයෙන් නීති මාර්ගයෙන් කටයුතු නොකර සිටීමට සහ අධිකරණය වෙත ඉදිරිපත් නොකර සිටීමට රු. 300,000/- ක මුදලක් හා රන් පවුම් තුන් කාලක ප්‍රමාණයක් අල්ලස් වශයෙන් ඉල්ලා ඉන් රු. 250,000/- ක මුදලක් අල්ලස් වශයෙන් ලබා ගැනීමත්ය.

සිද්ධිය සම්බන්ධයෙන් අධිකරණයට කරුණු වාර්තා කළ අල්ලස් කොමිසම විසින් මෙම සිද්ධිය සම්බන්ධ විමර්ශන කටයුතු අවසන් වී නොමැති බවට අධිකරණය හමුවේ කරුණු ඉදිරිපත් කළේය.

මහපාරේ පිස්සෝ වගේ බයික් පැද්දොත් වැඩ වරදී

සිය සේවාදායකයාගේ දියණිය මෙවර අපොස උසස් පෙළ විභාගය සඳහා පෙනී සිටීමට නියමිත බවත් අනෙක් දරුවා පෙබරවාරි මස අපොස සාමාන්‍ය පෙළ විභාගයට පෙනී සිටින බවත් සැකකරු වෙනුවෙන් පෙනී සිටි නීතිඥවරයා අධිකරණය හමුවේ පැවසීය.

කෙසේ වෙතත් මෙම සැකකරු සම්බන්ධ ඇප ඉල්ලීම ඉදිරි දින අදාළ ප්‍රධාන මහේස්ත්‍රාත් අධිකරණය හමුවේ සිදුකිරීමට කටයුතු කරන බවත් නීතිඥවරයා දන්වා සිටියේය. ඉදිරිපත් වූ කරුණු සලකා බැලූ කොළඹ අතිරේක මහේස්ත්‍රාත් ලහිරු වරුෂවිතාන මහතා සැකකරුව ජනවාරි 06 වනදා දක්වා රක්ෂිත බන්ධනාගාර ගත කිරීමට නියෝග කළේය.

නත්තල කියලා සූර් වුණ දහස් ගණනක් පොලිස් දැලේ