ශ්‍රී ලංකා ත්‍රිපෝෂ සමාගම ඈවර කරයිද? - වෙන්න යන දේ ගැන අමාත්‍යාංශයෙන් විශේෂ දැනුම්දීමක්.
Wayomi
ශ්‍රී ලංකා ත්‍රිපෝෂ සමාගම ඈවර කිරීම සඳහා කිසිදු සැලසුමක් හෝ ක්‍රියාමාර්ගයක් නොගන්නා බව මුදල්, ආර්ථික සංවර්ධන, ප්‍රතිපත්ති සම්පාදන සැලසුම් හා සංචාරක අමාත්‍යාංශය ප්‍රකාශ කරනවා.
එම අමාත්‍යාංශය ප්;පෙන්වා දෙන්නේ, එවැනි දේ රජයේ ප්‍රතිපත්තිවලට අනුකූල නොවන බවයි.
2024.09.27 දිනැති සහ අංක 2403/53 දරණ අති විශේෂ ගැසට්‌ පත්‍රයෙහි ඇතුළත් කරුණු පදනම් කර ගනිමින් මහජනතාව නොමග යවන සුළු ප්‍රවෘත්ති නිර්මාණය කිරීම හා ඒවා ජනතාව අතර ප්‍රචාරය කිරීමට විවිධ පාර්ශ්වයන් උත්සාහ දරමින් සිටින බව නිරීක්ෂණය වී ඇති බව ද අමාත්‍යංශය පවසනවා.
දරුවන් හා ගැබිණි මව්වරුන්ට ත්‍රිපෝෂ ලබාදීමේ වැඩසටහන වඩාත් ඵලදායීතාවයකින් යුතුව ඉදිරියටත් ක්‍රියාත්මක කරන අතර ඒ සඳහා අවශ්‍ය පහසුකම් සපයා දෙමින් ශ්‍රී ලංකා ත්‍රිපෝෂ සමාගම වඩාත් ශක්තිමත් හා කාර්යක්ෂම ආයතනයක් බවට පරිවර්තනය කිරීමේ ක්‍රියාමාර්ගයන් කඩිනමින් ගනු ලබන බවටත් අමාත්‍යංශය වැඩිදුරටත් සඳහන් කරනවා.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
