පැසිෆික් ඒන්ජල් 2025 අභ්‍යාසය ඇරඹේ

කලාපීය ආරක්ෂක සහයෝගීතාවය සනිටුහන් කරමින් ‘පැසිෆික් ඒන්ජල් - 2025’ අභ්‍යාසය අද (8) කටුනායක ගුවන් හමුදා කඳවුරෙදි ආරම්භ වුනා. සැප්තැම්බර් 12 දක්වා පැවත්වෙන මෙම අභ්‍යාසය සඳහා එක්සත් ජනපද පැසිෆික් හමුදා, රාජකීය ඕස්ට්‍රේලියානු ගුවන් හමුදාව, ජපාන ගුවන් ස්වයං ආරක්ෂක බලකාය, ඉන්දියානු ගුවන් හමුදාව, මාලදිවයින් ජාතික ආරක්ෂක බලකාය සහ බංග්ලාදේශ ගුවන් හමුදාව සහභාගී වේ.

පුද්ගලයින් 300 කින් 123 දෙනෙක් විදේශීය කණ්ඩායම් නියෝජනය කරන අතර ශ්‍රී ලංකා යුධ හමුදාව හා ශ්‍රී ලංකා නාවික හමුදාවද ක්‍රියාකාරී දායකත්වයක් ලබා දෙනවා. පැසිෆික් ඒන්ජල් 2025 අභ්‍යාසය, බහුජාතික හමුදා සහයෝගීතාවයේ පුළුල් උපායමාර්ගික වටිනාකම අවධාරණය කරමින් එක්සත් ජනපද-ශ්‍රී ලංකා හවුල්කාරිත්වයේ දීර්ඝකාලීන ශක්තිය ඉස්මතු කරනවා.

අයිස් නිෂ්පාදන ද්‍රව්‍ය සම්බන්ධිත බහාලුම් වරායන්ගෙන් මුදා හැරීම ගැන සජිත් ප්‍රශ්න කරයි

මෙයට සහභාගි වන හමුදාවන්ගේ පරිමාණය සහ විවිධත්වය, සෙවීම් සහ මුදාගැනීම් (SAR) සහ මානුෂීය ආධාර සහ ආපදා සහන (HADR) ආදිය සහයෝගී පුහුණුවේ වැදගත්කම පිළිබිඹු කරනවා. ඒකාබද්ධ පුහුණුවේ නිරත වීමෙන්, සහභාගී වන හමුදා අතර කලාපීය සාමූහික සූදානම සහතික කිරීමේදී අන්‍යෝන්‍ය අවබෝධය, මෙහෙයුම් සහයෝගීතාවය සහ සාමුහික සූදානම වර්ධනය වේ. මෙම අභ්‍යාසයට ගුවන් යානා නඩත්තු කිරීම සහ ගුවන් කාර්ය මණ්ඩල මෙහෙයුම්, සෙවීම් සහ මුදාගැනීමේ (SAR) විවෘත ජල සහ හෙලිකොප්ටර් එසවුම් මෙහෙයුම්, වනාන්තර පැවැත්ම සහ ලුහුබැඳීම, ගුවන් වෛද්‍ය රෝගීන්ගේ චලනය, මහා අනතුරු වෛද්‍ය ප්‍රතිචාර (MASCAL) සහ ගුවන් ප්‍රවාහන භාණ්ඩ හැසිරවීම ඇතුළත් වේ.

මුන් නවල් ලියන්නේ නැත්තේ ඇයි ලිව්වොත් ජවිපෙ ගැන ලියන්න වෙනවනේ ඒකයි කුහකයෝ, ලංකාවේ ලේඛකයොන්ට අමතන ලාල්

මෙම අභ්‍යාසය ප්‍රධාන වශයෙන් කටුනායක ගුවන් හමුදා කඳවුරේ පැවැත්වෙන අතර, ශ්‍රී ලංකා ගුවන් හමුදාවේ චීන බොක්ක ඇකඩමිය සහ අම්පාරේ ශ්‍රී ලංකා ගුවන් හමුදාවේ රෙජිමේන්තු පුහුණු මධ්‍යස්ථානය මේ සඳහා විශේෂ පහසුකම් සපයනවා. එක්සත් ජනපද ගුවන් හමුදාව (USAF) C-130J ගුවන් යානා දෙකක් යොදවනු ඇති අතර, ශ්‍රී ලංකා ගුවන් හමුදාව Bell 412, B-212 හෙලිකොප්ටරයක් සහ King Air 350 ගුවන් යානයක් යොදවනවා. මෙහෙයුම් අභ්‍යාසවලට අමතරව, පැසිෆික් ඒන්ජල් 2025 අභයාසයට සහභාගී වන හමුදාවන්ට දැනුම හුවමාරු කර ගැනීමට, මානුෂීය සහ ආපදා සහන හැකියාවන් සහ සාමූහික සූදානම වැඩි දියුණු කිරීමට මේ මගින් සැලසෙනවා.