''ලෝක වෙළෙඳපොළේ ඉහළ යන තෙල් මිල නුදුරු අනාගතයේදීම ලංකාවට බලපානවා '' හිටපු ඇමති ජි. එල් ගෙන් ජනපතිට ලිපියක්

මේ වන විට මැදපෙරදිග කලාපයේ උද්ගතව තිබෙන යුදමය ගැටුම්කාරී තත්ත්වය හේතුවෙන් ශ්‍රී ලංකාවට මුහුණ දීමට සිදුවන අභියෝග සහ එහි බරපතලකම සම්බන්ධයෙන් හිටපු විදේශ අමාත්‍ය ජි. එල් පීරිස් මහතා විසින් ජනාධිපති අනුර කුමාර දිසානායක මහතා වෙත ලිපියක් යොමු කර ඇත.

  ජී. එල් පිරීස් මහතා ඉල්ලා තිබෙනුයේ මේ සම්බන්ධයෙන් ජනාධිපතිවරයාගේ අවධානය වහාම යොමුකරණ ලෙසෙටය තවද එම ලිපිය මගින් ප්‍රධාන වශයෙන් කරුණු කිහිපයක් හුවාදක්වා තිබේ .

ඒ මහතා පෙන්වා දී තිබෙනුයේ ලෝක වෙළෙඳපොළේ ඉහළ යන තෙල් මිල නුදුරු අනාගතයේදීම දේශීය වෙළෙඳපොළටද බලපානු ඇති බැවින් ඒ හරහා මෙරට ජීවන වියදම ඉහළ යන බවයි.

දැනටමත් ආර්ථික දුෂ්කරතාවලින් පීඩා විඳින මෙරට ජනතාවගේ පීඩනය තවදුරටත් දැඩි වන බව එතුමා වැඩි දුරටත් පෙන්වා දී තිබේ.

  ඒ වගේම එම ලිපියේ සඳහන් වනුයේ මැදපෙරදිග කලාපයේ පවතින යුදමය වාතාවරණය හේතුවෙන් විශේෂයෙන්ම මෙරට තේ වැනි අපනයන භාණ්ඩ සඳහා වෙළෙඳපොළට ප්‍රවේශ වීම අහිමි වී යා හැකි බවත් එමගින් අපනයන ආදායම පහත වැටීමේ අවදානමක් පවතින බවයි.

    තවද දැනට පවත්නා ගුවන් ගමන් අවහිරතා හේතුවෙන් යුරෝපය, උතුරු අමෙරිකාව සහ ගල්ෆ් කලාපයෙන් පැමිණීමට නියමිතව සිටි සංචාරකයින් විශාල වශයෙන් මේ වන විට, වෙන් කරවාගත් නවාතැන් පහසුකම් ද අවලංගු කරමින් සිටින වාතාවරණයක සංචාරක හෝටල් ක්ෂේත්‍රයට එයින් දැනටමත් බලපෑම එල්ල වී ඇති බව ඒ මහතා සිය ලිපිය මගින් පෙන්වා දී තිබේ.

මැදපෙරදිග බිහිසුණු යුද ගැටුම් හේතුවෙන් අදත් ගුවන් ගමන් 57ක් නවතී

 ඒ වගේම හිටපු විදේශ අමාත්‍ය ජි. එල් පීරිස් මහතා සිය ලිපිය මගින් පෙන්වා දී තිබෙනුයේ සමස්ත ගල්ෆ් කලාපය පුරා සේවය කරන ශ්‍රී ලාංකික ශ්‍රමිකයින් මෙරටට එවන විදේශ විනිමය අඛණ්ඩව පවත්වාගෙන යාම මෙම තත්ත්වය හමුවේ දැඩි අවදානමකට ලක්ව ඇති බවයි .

මහ බැංකුවෙන් විශේෂ නිවේදනයක්