වාහනයක් විකුණද්දී MTA 6 Form එක නැතුව දුන්නොත් හිරේ යන්න වෙයිද? මෝටර් රථ ප්‍රවාහන කොමසාරිස්ගෙන් හදිසි දැනුම්දීමක්

 විවෘත කඩදාසි යටතේ වාහන අලෙවි කිරීමෙන් වළකින ලෙස මෝටර් රථ ප්‍රවාහන දෙපාර්තමේන්තුව (DMT) මහජනතාවට දැනුම් දී තිබේ.

වාහන අලෙවියේදී නිසි හිමිකාරිත්වය පැවරීමේ නීත්‍යනුකූල ක්‍රියා පටිපාටිය අනුගමනය කරන ලෙසද දෙපාර්තමේන්තුව වාහන හිමිකරුවන්ගෙන් ඉල්ලා සිටී.

මෝටර් රථ ප්‍රවාහන කොමසාරිස් ජනරාල් විශ්‍රාමික එයාර් වයිස් මාර්ෂල් තුෂාර ඉඳුනිල් ප්‍රනාන්දු මහතා සඳහන් කළේ, වාහනයේ වත්මන් හිමිකරු සහ නව හිමිකරු යන දෙදෙනාම MTA 6 පෝරමයට අත්සන් තබා, ඊට අදාළ පිටපත මෝටර් රථ ප්‍රවාහන දෙපාර්තමේන්තුව වෙත ඉදිරිපත් කළ යුතු බවයි.

වාහන නිසි ලෙස නව හිමිකරුගේ නමට පවරා නොදී විවෘත කඩදාසි යටතේ අලෙවි කිරීම හේතුවෙන් පසුව ඇතිවිය හැකි නීතිමය සහ පරිපාලන ගැටලු රැසක් පවතින බවද ඔහු පෙන්වා දුන්නේය.

විශේෂයෙන්ම වාහන අපරාධ හෝ වෙනත් නීති විරෝධී ක්‍රියාකාරකම් සඳහා යොදා ගැනීමේදී, නිල හිමිකාරිත්වය නිසි පරිදි යාවත්කාලීන කර නොතිබීම ගැටලුකාරී තත්ත්වයන් ඇති කළ හැකි බවද සඳහන් කෙරිණි.

එබැවින් වංචනික ක්‍රියාවන්ගෙන් ආරක්ෂා වීම මෙන්ම වාහන නීති විරෝධී කටයුතු සඳහා අනිසි ලෙස භාවිත කිරීම වැළැක්වීම සඳහා, වාහන අලෙවියේදී නිල හිමිකාරිත්වය පැවරීමේ සම්පූර්ණ ක්‍රියාවලිය අනුගමනය කරන ලෙස මෝටර් රථ ප්‍රවාහන දෙපාර්තමේන්තුව මහජනතාවට අවධාරණය කරයි.

දශක හතරක සිනමා ගමන නිමවෙයි- බොලිවුඩ් සිනමාව සොලවාලූ නානා පටේකාර්ගේ හදිසි නික්මයෑම

ආනෝජන් සිවරාසාගේ මරණ දඬුවම වහා අවලංගු කර නිදහස් කරන්න - ඇම්නෙස්ටි ඉන්ටර්නැෂනල් සංවිධානයෙන් බලපෑම්