පොලිසියෙන් මිදී දිවගොස් තරුණයෙක් වැවට පනී.. (VIDEO)

කුරුණෑගල දී පොලිසිය විසින් තරුණයෙක්  පරීක්ෂා කිරීමට යාමේ දී ඔහු එම ස්ථානයෙන් පලා ගොස් වැවකට පැන දියේ ගිලී ජීවිතක්ෂයට පත්ව ඇත.

පෙරේදා (19) කුරුණෑගල වැව රවුමේ ඇවිදින මංතීරුව අසළ මුර සංචාරයේ නිරත පොලිස් නිලධාරීන් කණ්ඩායමක් විසින් මෙම තරුණයා පරීක්ෂාවට ලක් කර තිබුණු අතර පොලිසිය සමඟ ඔහු පොරබදා ඇත.

පසුව අසළ වැවකට පැන පිහිනා පලායාමටයි තැත් කර ඇති අතර මීටර 5 ක් පමණ දුර පිහිනා යමින් සිටියදී ඔහු දියේ ගිලී ජීවිතක්ෂයට පත්ව ඇත.

මෙලෙස මියගොස් ඇත්තේ වයස අවුරුදු 26 ක් වන තෝරයාය ප්‍රදේශයේ පදිංචිකරුවෙක් ය.සිද්ධිය සම්බන්ධයෙන් කුරුණෑගල පොලිසිය විමර්ශනයක් ආරම්භ කර ඇත.

විඩියෝ දර්ශන - Hiru News Y-Tube Channel