රුපියල් 1,000 සේ ව්‍යාජ නෝට්ටු රැසක් හමු වෙයි..

ව්‍යාජ මුදල් නෝට්ටු සමග සැකකරුවන් දෙදෙනෙකුව රංගල පොලීසිය විසින් අත්අඩංගුවට ගෙන ඇත.

රංගල පොලීසියට ලද තොරතුරක් මත ඊයේ (04) සිදුකළ වැටලීමකදී උඩවෙල හංදිය අසලදී එක් සැකකරුවෙකු ව්‍යාජ රුපියල් 1,000 නොට්ටු 2ක් සමග අත්අඩංගුවට ගෙන තිබේ.

පසුව සිදුකළ වැඩිදුර විමර්ශනයේදී තවත් සැකකරුවෙක් ව්‍යාජ රුපියල් 1,000 නොට්ටු 50ක් සමග රංගල නගරයේදී අත්අඩංගුවට ගෙන ඇත.

මෙම සැකකරුවන් වයස අවුරුදු 35 සහ 46ක් වු උඩිස්පත්තුව ප්‍රදේශයේ පදිංචිකරුවන් වේ.

වැඩිදුර විමර්ශන සඳහා සැකකරුවන් අද (05) අපරාධ පරීක්ෂණ දෙපාර්තමේන්තුව වෙත භාරදීමට නියමිත බව පොලිස් මාධ්‍ය අංශය පවසයි.