ව්‍යාජ ලේඛණ සකස් කල සැකකරුවන් තිදෙනෙකු අත්අඩංගුවට - ව්‍යාජ නිල මුද්‍රා 600ක්,

අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන අංශයේ නිලධාරීන් කණ්ඩායමක් විසින් අද දින සිදු කරන ලද විශේෂ විමර්ශනයකට අදාළව, බොරැල්ල පොලිස් වසමට අයත් එන් එම් පෙරේරා මාවත ප්‍රදේශයේ පිහිටි නිවසක් වටලා විශේෂ පරීක්ෂාවකට ලක් කර තිබේ.

එම වැටලීමේදී ඉඩම් රෙජිස්ට්‍රාර් කාර්යාලයේ ඔප්පු පිටපත් අඩංගු මුල් ගොනු දෙකක්, වටිනා ඉඩම්වලට අදාළව සකස් කරන ලද විවිධ ව්‍යාජ ලිපි ලේඛන, ව්‍යාජ ජාතික හැඳුනුම්පත් හතරක්, විවිධ රාජ්‍ය ආයතනවල නමින් ව්‍යාජව සකස් කරන ලද නිල මුද්‍රා හයසියයක් මෙන්ම මෙම ව්‍යාජ ලේඛන සකස් කිරීම සඳහා සූක්ෂ්ම ලෙස යොදා ගත් නවීන විද්‍යුත් උපකරණ ද සමඟින් ප්‍රධාන සැකකරුවන් දෙදෙනෙකු අත්අඩංගුවට ගැනීමට පොලිසිය සමත්ව ඇත.

දිවයිනේ සියලුම ජාතික හා පළාත් පාසල්වල ගුරුවරුන්ට අති විශේෂ දැනුම්දීමක්

මීට අමතරව මෙම මහා පරිමාණ ජාවාරම සහ අපරාධයන් සඳහා යොදා ගත් බවට සැක කෙරෙන මෝටර් කාර් රථයක්, යතුරුපැදියක් සහ සන්තකයේ තිබූ රුපියල් ලක්ෂ පහළොවක මුදලක් ඇතුළු තවත් දේපල රැසක් අපරාධ පරීක්ෂණ දෙපාර්තමේන්තු භාරයට ගෙන තිබේ.

එහිදී අත්අඩංගුවට ගත් සැකකරුවන්ගෙන් සිදුකළ දීර්ඝ ප්‍රශ්න කිරීම්වලදී අනාවරණය වූ අතිරේක තොරතුරු මත, දෙල්කඳ ප්‍රදේශයේදී මෙම සාහසික සිද්ධියට සෘජුවම සම්බන්ධ වූ තවත් ප්‍රධාන සැකකරුවෙකු අත්අඩංගුවට ගැනීමට ද විමර්ශන නිලධාරීන්ට හැකි විය.

පොලිස් වාර්තාවලට අනුව මෙලෙස අත්අඩංගුවට පත් වූ සැකකරුවන් තිදෙනා වයස අවුරුදු පනස්හතර, පනස්පහ සහ පනස්නවය යන වයස්වල පසුවන බොරැල්ල, දික්වැල්ල මෙන්ම හොරණ යන ප්‍රදේශවල පදිංචිකරුවෝ වෙති.

තත්ත්වය අතිශය භයානකයි - ඉන්දියාවටත් ඉබෝලා වෛරසයද? සැක සහිත ලෙඩ්ඩු තුනක් මතුවෙයි

මෙම සංවිධානාත්මක ව්‍යාජ ලේඛන සහ ඉඩම් ජාවාරම සම්බන්ධයෙන් අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන අංශය විසින් වැඩිදුර පුළුල් විමර්ශන රැසක් තවදුරටත් ක්‍රියාත්මක කරනු ලබයි.