පානදුරේ නිලංගගේ බැංකු ගිණුම් වාර්තා කැඳවීමට CIDට අවසර

අත්අඩංගුවට ගෙන මේ වන විට රැඳවුම් භාරයට පත්කර සිටින පානදුරේ නිලංග නමැත්තාගේ (සම්පත් සිල්වා හෙවත් නිලංග) බැංකු ගිණුම් පිළිබඳ වාර්තාවක් කැඳවීමට අද (16) කොළඹ ප්‍රධාන මහේස්ත්‍රාත් අධිකරණය අපරාධ පරීක්ෂණ දෙපාර්තමේන්තුවට අවසර ලබාදුනි

අපරාධ පරීක්ෂණ දෙපාර්තමේන්තුවේ ඉල්ලීම සලකා බැලීමෙන් පසු කොළඹ ප්‍රධාන මහේස්ත්‍රාත් අසංක එස්. බෝදරගම මහතා විසින් මෙම නියෝගය නිකුත් කර ඇති අතර, එහිදී අදාළ බැංකු දෙකට ගිණුම් වාර්තා ඉදිරිපත් කිරීමට නියෝග නිකුත් කර ඇත.

අපරාධ පරීක්ෂණ දෙපාර්තමේන්තුව අධිකරණයට ඉදිරිපත් කළ නව වාර්තාවකින් හෙළි වූවේ, ඉන්දුනීසියාවේදී අත්අඩංගුවට ගෙන මෙරට රැඳවුම් භාරයට පත්කර සිටින මෙම සැකකරුගේ බැංකු ගිණුම් දෙකක් හරහා විශාල මුදල් සංසරණය වී ඇති බවයි.

මහින්ද බලන්න ගිය විමල් තද වෙයි - ඇත්ත වශයෙන්ම රනිල්ගේ අතේ තිබුණු වැල් පාලම කැඩෙන්න යන්නේ

මෙම සැකකරු සම්බන්ධ මත්ද්‍රව්‍ය ජාවාරම්, සංවිධානාත්මක අපරාධ කල්ලි ක්‍රියාකාරකම් සහ අනෙකුත් අපරාධ විමර්ශනය සඳහා එම ගිණුම්වල මුදල් සංසරණය පරීක්ෂා කිරීම අත්‍යවශ්‍ය බව CID පෙන්වා දී ඇත.

පානදුරේ නිලංග නමැත්තා ඉන්දුනීසියාවේදී ප්‍රකට මත්ද්‍රව්‍ය ජාවාරම්කරුවන් සහ අපරාධ කල්ලි සාමාජිකයන් සමඟ සිටියදී අත්අඩංගුවට ගෙන ඇති අතර, මෙරට විමර්ශනවලදී ඔහුගේ බැංකු ගිණුම්වලින් මුදල් ජාවාරම් ක්‍රියාකාරකම් සම්බන්ධතා හඳුනාගෙන ඇත. මෙම නියෝගයෙන් CIDට එම ගිණුම්වල සම්පූර්ණ ගනුදෙනු වාර්තා ලබාගෙන විමර්ශන තවදුරටත් ඉදිරියට ගෙන යාමට හැකිවනු ඇත.

මෙම සිදුවීම පානදුරේ නිලංගගේ අපරාධ ජාලය පිළිබඳව බලධාරීන්ගේ විමර්ශන තවදුරටත් තීව්‍ර කර ඇති අතර, ඔහුගේ රැඳවුම් භාර කාලය තුළදී තවත් තොරතුරු හෙළිදරව් වෙනු ඇතැයි පොලිස් ආරංචි මාර්ග පවසයි.

හරක් කටා මරන සැලැස්මකින් පද්මෙගෙයි - සලින්තගෙයි ප්ලෑන් එක ලුතිනන් කර්නල් වමාරයි

වෙළඳපොළේ බලාපොරොත්තු වැඩිවෙයි - වාහන, විදුලි උපකරණ අයවැය යෝජනා එළියට

කොළඹ ඇතුළු ප්‍රදේශ කිහිපයකට පැය 9ක ජල කප්පාදුවක්