යාපනයේ මුහුද මැද ඊයේ ඉපදුනු බිළිදා " කඩල් කුමරන් "
Wayomi
යාපනයේ ඩෙල්ෆ්ට් දූපතේ සිට කුරීකඩ්ඩුවාන් ජැටිය වෙත පැමිණෙමින් තිබූ බෝට්ටුවක් තුළදී කාන්තාවක් ඊයේ (20) පිරිමිදරුවකු ප්‍රසූත කර තිබෙනවා.
අදාල කාන්තාව බෝට්ටුවෙන් කුරීකඩ්ඩුවාන් වෙත පැමිණ දරු ප්‍රසූතිය සදහා යාපනය ශීක්ෂණ රෝහලට ඇතුළත් වීමේ අපේක්ෂාවෙන් සිය සැමියා සමග පැමිණ ඇත.
එම අවස්ථාවේ ඇයට බෝට්ටුව තුළම ප්‍රසූත වේදනාව හටගෙන ඇති ගෙන තිබෙනවා.
එහිදී බෝට්ටු ක්‍රියාකරු වහාම මේ පිළිබදව ඩෙල්ෆ්ට් රෝහලට දැනුම් දීමෙන් පසුව එහි සිට ගිලන් රථ බෝට්ටුවක් වෛද්‍යවරයෙකු සමග පැමිණෙන අතරවාරයේ කාන්තාව බෝට්ටුව තුළ දරුවා ප්‍රසූත කර ඇත.
බෝට්ටුවේ සිටි වැඩිහිටිකාන්තාවන් පිරිසක් ඇය රෙදිවලින් වටකොට කොට ගුරුහරුකම් හා වින්නඹු සේවාවන් ලබා දෙමින් දරුවා ප්‍රසූත කිරීමට අවස්ථාව සලසා දී ඇති බවයි වාර්තා වන්නේ.
මුහුද මැදට පැමිණි වෛද්‍යවරයා රැගත් බෝට්ටුව තුලට කාන්තාව හා දරුවා දමාගෙන ගොස් කුරීකඩ්ඩුවාන් ජැටියේදී ගිලන් රථයක් ලබා ගෙන ඒ දෙදෙනාම යාපනය ශීක්ෂණ රෝහලට අතුළත් කොට ඇති බවයි වාර්තා වෙන්නේ.
යාපනය ශීක්ෂණ රෝහලේ වෛද්‍යවරු ප්‍රකාශ කළේ දරුවා හා මව ඉතා සනීපයෙන් සිටින බවත්, මුහුද මැදදී එම දරුවා උපන් නිසා එම බිළිදාට කඩල් කුමරන් ( මුහුදු කුමාරයා ) ලෙස නම තැබීමට දෙමව්පියන් තීරණය කර ඇති බවත් සඳහන්.
