යළි ඉහළම ඩොලර් අගයක් වාර්තා කරමින් ලංකාවට සුබ ආරංචියක්..

මේ වසරේ (2022) මේ දක්වා වාර්තා වූ ඉහළම මාසික විදේශ විනිමය ප්‍රේෂණ ලැබීම වාර්තා කරමින් ඉකුත් අගෝස්තු මාසයේදී ඇමෙරිකානු ඩොලර් මිලියන 325 ක් දක්වා වැඩි වී ඇතැයි ශ්‍රී ලංකා මහ බැංකුව පවසයි.

ඉකුත් ජුලි මස ලැබුණු විදේශ විනිමය ප්‍රේෂණ ප්‍රමාණය ඇමෙරිකානු ඩොලර් මිලියන 279 කි.

මේ අතර සැප්තැම්බර් මස අවසන් වන විට දළ නිල සංචිත ප්‍රමාණය ඇමෙරිකා ඩොලර් බිලියන 1යි දශම 8ක් මට්ටමට අඩුවී ඇතැයි ශ්‍රී ලංකා මහ බැංකුව පවසනවා.

චීන මහජන බැංකුවෙන් ලබාගත් ඇමෙරිකා ඩොලර් බිලියන 1.4ක් වන විදේශ විනිමය හුවමාරු පහසුකම ද ඊට ඇතුළත්.

මේ බව අනාවරණය කෙරුණේ ශ්‍රී ලංකා මහ බැංකුවේ අද පැවති මාධ්‍ය හමුවකදීයි.

ණය ප්‍රතිව්‍යූහගත කිරීමට සම්බන්ධයෙන් මාධ්‍යවේදියෙකු කළ ප්‍රශ්නයකට මහ බැංකු අධිපති ආචාර්ය නන්දලාල් වීරසිංහ මෙලෙස පිළිතුරු ලබාදුන්නා.