සෝලා සැපයුම ගැන කැබිනට් තීන්දුවක්

රජයේ ප්‍රතිපත්තිය වන්නේ 2023-2042 දිගුකාලීන ජනන ව්‍යාපෘති සැලැස්මට අනුව වර්ෂ 2030 වන විට බල ශක්ති අවශ්‍යතාවයෙන් 70%ක් පුනර්ජනනීය බල ශක්තියෙන් සපුරා ගැනීමයි.

ඒ අනුව, අපේක්ෂිත විදුලි ඉල්ලුම ක්‍රමයෙන් අඩු වීම සහ පියැසි මත සවි කරන සූර්ය බල ශක්ති පද්ධති ධාරිතාව මෑත කාලීනව සීඝ්‍රයෙන් වර්ධනය වීමක් දක්නට ලැබෙනවා.

එය සැලකිල්ලට ගෙන, ග්‍රිඩ් උපපොළවල් 18 ක් සඳහා වෙන් කරනු ලැබිය හැකි මෙගාවොට් 152 ක භූමිය මත ඉදි කෙරෙන සුර්ය ප්‍රකාශ වෝල්ටීයතා ධාරිතාවක් හඳුනා ගෙන ඇත.

එකී මෙගාවොට් 152 ක සමස්ත ජාල ධාරිතාව ජාත්‍යන්තර තරගකාරි ලංසු තැබීමේ ක්‍රියාවලිය සඳහා පමණක් වෙන් කිරීමටත්, ඒ සඳහා ඉදි කිරීම, අයිතිය දැරීම සහ ක්‍රියාත්මක කිරීම යන පදනම යටතේ ව්‍යාපෘති සංවර්ධකයින්ගෙන් විදුලිය ප්‍රසම්පාදනය කිරීම පිණිස යෝජනා සඳහා ඉල්ලීම් නිකුත් කිරීම මඟින් ලංසු කැඳවීමේ ක්‍රියාවලිය ආරම්භ කිරීමටත් බල ශක්ති අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබෙනවා.

ගොවි බිමට පුනරුදය අද ඇරඹෙයි