සුදුසුකම් ලබා ඇති අයට මේ වන්දියත් ගෙවන්න කැබිනට් අනුමැතිය - ගෙවන්න යන වන්දි මුදල් ගණන් මෙන්න

මාතර දිස්ත්‍රික්කයේ නිල්වලා ගඟ හරහා ලවණ බාධකයක් ඉදිකිරීමේදී ඇති වූ ගංවතුර තත්ත්වය නිසා වී වගාවට සිදු වූ හානි වෙනුවෙන් වන්දි ගෙවීමට අමාත්‍ය මණ්ඩල අනුමැතිය හිමිව ඇත.

ඒ අනුව 2019 යල කන්නයේ සිට 2022 යල කන්නය දක්වා අනුයාත කන්න 7කදී සිදු වූ වගා හානි සම්බන්ධයෙන් නිසි තක්සේරුවක් සිදු කිරීමෙන් පසුව මෙම තීරණය ගෙන තිබෙනවා.

කෘෂිකාර්මික හා ගොවිජන රක්ෂණ මණ්ඩලයේ වන්දි ගෙවීමේ ක්‍රමවේදයට අනුව පිරිවැය සහ වී මිල සැලකිල්ලට ගනිමින් වන්දි මුදල් ගණනය කර ඇති අතර මෙම වන්දි ගෙවීම සඳහා 2026 අයවැය මඟින් රුපියල් මිලියන 1,200ක මුදලක් වෙන් කර ඇත.

යල කන්නයේ වගා හානිවලට රජයෙන් රුපියල් ලක්ෂයේ වන්දිය ගන්න මෙන්න මේ දේ කරන්න

ඒ අනුව සුදුසුකම් ලබා ඇති ගොවීන් වෙත මෙම වන්දි මුදල් ගෙවීමට නියමිත බව සඳහන්.

අදාළ කන්නයන් සඳහා අක්කරයකට ගෙවීමට නියමිත වන්දි මුදල පහතින්,

2019 යල – රුපියල් 40,000

2019/20 මහ – රුපියල් 46,860

2020 යල – රුපියල් 40,000

2020/21 මහ – රුපියල් 42,150

2021 යල – රුපියල් 49,901

2021/22 මහ – රුපියල් 58,272

2022 යල – රුපියල් 64,102

අඳාළ යෝජනාව කෘෂිකර්ම, පශු සම්පත්, ඉඩම් හා වාරිමාර්ග අමාත්‍යවරයා විසින් අමාත්‍ය මණ්ඩලයට ඉදිරිපත් කර තිබුණා.

මේ බදු නොගෙවූ අයට විශේෂ සහනයක් - මෙහෙම කළොත් සම්පූර්ණ පොලී ආදායමම අහෝසි කරන බවට දැනුම්දීමක්

තව ටිකක් අඩු වුණොත් නම් රත්තරන් ගන්න පෝළිමේ එයි - අද හැමෝම පුදුම කළ රන් මිල මෙන්න