දෙයියනේ.. බුලත් විටකට මෙහෙම කලදසාවක් යයි කියලා නම් නිකමටවත් හිතුනේ නෑ..
krishani
රුපියල් 60ක්ව පැවති බුලත් විටක් මේ වන විට රුපියල් 130ක් දක්වා ඉහළ ගොස් ඇති බව වාර්තා වේ.
ඇතැම් ප්‍රදේශවල පුවක් බාගය ද අලෙවි කරනු ලබන බවට තොරතුරු වාර්තා වේ.
ඒ අනුව පුවක් ගෙඩියක් දෙකට කපා ඉන් එක් භාගයක් රුපියල් 25කට අලෙවි කෙරෙන බව සඳහන් වේ.
එයට හේතුව ලෙස බුලත් විට වෙළෙඳුන් පවසන්නේ මේ දිනවල පුවක් ඵලදාවේ අඩුවක් පවතින නිසා බවයි.
වාර්තා වන්නේ පුවක් ගෙඩියක් රුපියල් 50ත් 60ත් අතර මිලක් වන අතර එක් විටක් සෑදීම සඳහා බුලත් කොළ තුනක් සහ එක් පුවක් ගෙඩියක් යොදාගෙන එය රුපියල් 130කට අලෙවි කරන බවයි.
එමෙන්ම, ඇතැම් වෙළෙඳුන් පවසන්නේ බුලත් විටක වැඩි මිලක් සඳහන් කළහොත් අලෙවි නොවන බැවින් එක් පුවක් ගෙඩියක් විට දෙකකට යොදා එක් විටක් රුපියල් 60කට හෝ 70කට අලෙවි කරන බවය.
මේ අතර, පසුගිය දිනවලදී බුලත් කොළයක්ද රුපියල් 15ත් 20ත් අතර මුදලකට අලෙවි විය.
එය මේ වනවිට රුපියල් තුනයි ශත පනහ දක්වා අඩු වී තිබෙනවා.
කෙසේ වෙතත්, බුලත් විට වෙළෙඳුන් සඳහන් කළේ පවතින පුවක් පලදාවේ අඩු වීම තවත් මාස තුනක් පමණ පැවතිය හැකි බවත් ඉන් පසුව එය සාමාන්‍ය තත්ත්වයට පැමිණ බුලත් විටක් රුපියල් 50ත් 60ත් අතර මිලකට ලබා දිය හැකි බවත් ය.
