බෙලිඅත්ත-අනුරාධපුර දුම්රියේ රියැදුරු හා නියාමකගැන විමර්ශනයක් - හේතුව මෙන්න

බෙලිඅත්ත සිට අනුරාධපුර දක්වා ඊයේ පෙරවරුවේ ධාවනයවූ දුම්රියේ රියදුරු හා දුම්රිය නියාමක සම්බන්ධයෙන් විමර්ශනයක් ආරම්භ කිරීමට තීරණය කර තිබේ.

මෙයට හේතුව ලෙස දුම්රිය දෙපාර්තමේන්තුව පැවසුවේ, එම දුම්රිය වේයන්ගොඩ දුම්රිය ස්ථානයේ විනාඩි 30 ක පමණ කායක් නොදන්වා නතර කර තැබීම සම්බන්ධයෙන් එම විමර්ශනය ක්‍රියාත්මක බවයි.

රියදුරු අධික ලෙස ධාවනය කිරිම හේතුවෙන් දුම්රිය නියාමක විසින් දුම්රිය හදිසියේ නවතා විනාඩි 30 ක් එම ස්ථානයේ රැඳී සිට ඇතැයිද දුම්රිය දෙපාර්තමේන්තුවවැඩිදුරටත් පවසයි.

වාහන මිල යළි ඉහළ යයි - වැඩි වන මිල ප්‍රතිශතත් එක්ක මෙන්න

එම දෙපාර්තමේන්තුව පැවසුවේ අනතුරුව දුම්රිය නියාමක සහ රියදුරු කලහකාරිව හැසිරී ඇති බවයි. දුම්රිය ප්‍රමාදය හේතුවෙන් මගීන්ද දැඩි අපහසුතාවට පත්ව තිබුණි.

බෙලිඅත්ත දුම්රිය ස්ථානයෙන් පෙරවරු 8.50 ගමන් ආරම්භ කරන දුම්රිය පස්වරු 7 පමණ වන විට අනුරාධපුරට පැමිණෙයි. කෙසේ වෙතත් ඊයේ එම දුම්රිය අනුරාධපුර දුම්රිය ස්ථානයට පැමිණෙන විට රාත්‍රී 8 පසුවී තිබුණි. මේ පිළිබඳව වැඩිදුර විමර්ශන ක්‍රියාත්මක වේ.

තලාවේ බස් අනතුරින් 40කට තුවාල - උසස් පෙළ සිසුවෙක් මරුට