දිවුල් ගහකින් වැටිලා ඉස්පිරිතාලෙට ගෙනාව රොගියා ගැන හොයනකොට එලියට ආපු නොහිතපු කතාව..
Piyumika
විල්පත්තුව ජාතික වනදෝන්‍යයේ පිහිටි රජයට අයත් පැරණි ගොඩනැගිල්ලක සෙවිලි තහඩු සොරා ගැනිමට උත්සහා කළ විල්පත්තුව වනජීවි කාර්යාලයට අනුයුක්තව සේවය කරන නිලධාරින් තිදෙනෙකු හා සිවිල් ආරක්ෂක භටයෙකු අත්අඩංගුවට ගත්බව නොච්චියාගම පොලිසිය පැවසීය .
කුකුල්කටුව,රනෝරාව,නොච්චියාගම ප්‍රදේශයේ පදිංචි රණබාහු මුදියන්සේලාගේ සම්පත් බණ්ඩාර නායක (45) නැමති අය පසුගිය 29 වැනි දින විල්පත්තුව රක්ෂිතයේදි උස් ස්ථානයකින් බිම ඇද වැටි සිටියදි විල්පත්තුව වනජිවි කාර්යාලයේ පිරිසක් විසින් ඔහු නොච්චියාගම රෝහලට ඇතුලත් කිරිමෙන් අනතුරුව මිය ගොස් තිබුණි.
මෙම පුද්ගලයා දිවුල් ගසකින් ඇද වැටි සිටියදි තමන් විසින් රෝහලට රැගෙන ආ බව විල්පත්තුව වනජිවි කාර්යාලයේ පිරිස පවසන ලද බව පොලිසිය කියයි.
මේ සම්බන්ධයෙන් පොලිසිය සිදුකළ විමර්ශණයේදි මෙම මිය ගිය පුද්ගලයාත් වනජිවි කාර්යාලයේ නිලධාරින් තිදෙනෙකු හා සිවිල් ආරක්ෂක භටයාත් විල්පත්තුව රක්ෂිතයේ පිහිටි රජයට අයත් ගොඩනැගිල්ලේ සෙවිලි තහඩු ගලවමින් සිටියදි මියගිය පුද්ගලයා වහලයෙන් බිමට ඇදවැටි මිය ගිය බවට තොරතුරැ අනාවරණය කොට ගෙන තිබුණි.
ඒ අනුව රජයේ දේපල සොරා ගැනිමට තැත් කිරිමේ චෝදනාව මත විල්පත්තුව වනජීවි කාර්යාලයට අනුයුක්තව සේවය කරන වන අඩවි සහකාර,වනජිවි නියාමක,ක්ෂේත්‍ර සහකාර හා සිවිල් ආරක්ෂක භටයෙකු පොලිසිය අත්අඩංගුවට ගෙන තිබේ.
