ගැබ් කාලය වසරක් පමා කරන ඉල්ලීම අතර තුර covid ආසාදිත ගැබිනි මව තුන් නිවුන් දරු උපතක් සිදු කරයි

කොළඹ ද සොයිසා කාන්තා රෝහලේදී කොවිඩ් ආසාදිත ගැබිනි කාන්තාවක් ත්‍රිත්ව නිවුන් දරු උපතක් සිදු කළාය. අද උදෑසන ශල්‍යකර්මය සිදු කළ වෛද්‍ය කණ්ඩායම ප්‍රකාශ කළේ කොරෝනා වෛරසය හේතුවෙන් මවගේ අසනීප තත්ත්වය හේතුවෙන් සිසේරියන් සැත්කමක් කිරීමට තීරණය කළ බවයි.

ශල්‍යකර්මය භාර වෛද්‍යවරයා නිව්ස් පැවසුවේ උපතින් පසු ළදරුවන් තිදෙනා සහ මව යහපත් සෞඛ්‍ය තත්ත්වයෙන් පසුවන බවයි.

මේ අතර, කොරෝනා වෛරසයේ ඩෙල්ටා ප්‍රභේදය හේතුවෙන් දරුවන් ලබා ගැනීමට බලාපොරොත්තු වන යුවළයන් අවම වශයෙන් අවුරුද්දක්වත් ප්‍රමාද කරන ලෙස සෞඛ්‍ය ප්‍රවර්ධන කාර්යාංශය ඉල්ලීමක් කර තිබේ.

කාර්යාංශය පැවසුවේ ඩෙල්ටා ප්‍රභේදය ගර්භනී කාන්තාවන්ට සහ ඔවුන්ගේ නූපන් දරුවන්ට දැඩි තර්ජනයක් එල්ල කරන බව නිරීක්ෂණය වී ඇති බවයි.

දිනෙන් දින කොවිඩ් වෛරසයේ නව ප්‍රභේද ඇතිවන බැවින් හැකිනම් ගර්භණීවීම වසරකින් පමා කරන්නැයි සෞඛ්‍ය ප්‍රවර්ධන කාර්යාංශයේ අද (08) පැවැති මාධ්‍ය හදුවේදී විශේෂඥ වෛද්‍ය හර්ෂ අතපත්තු මහතා පැවසීය. ඒ මහතා වැඩිදුරටත් සඳහන් කළේ කොවිඩ් වෛරසය තවමත් වෛද්‍ය විද්‍යාව තුළ අධ්‍යයනය කරමින් පවතින බවය.

"කොවිඩ් අලුත් රෝගයක්. කොවිඩ් ගැන අපි දන්නේ නෑ ඇත්තටම. දවසින් දවස අලුත් ප්‍රභේද හැදෙනවා. ඒක වෛරසවල තියෙන ලක්ෂණයක්. අපි මේ රෝගය ගැන මුලින්ම කියපු කතාව තමයි කොවිඩ්වලින් අම්මට ප්‍රශ්නයකුත් නෑ.. අම්මගෙන් කොවිඩ්වලට ප්‍රශ්නයකුත් නෑ කියලා. නමුත් මේ ඩෙල්ටා ප්‍රභේදය එනකොට අපි දන්නවා ඒකෙන් අම්මට ප්‍රශ්නයක් වෙනවා. ගර්භණී සමයේ කොවිඩ් හැදුනොත් අපි ගන්නේ අධි අවදානම් තත්ත්වයක් හැටියට. දරුවටත් අම්මටත් හානි වෙන්න පුළුවන්. ඔබ විවාහ වෙලා දරුවෙක් බලාපොරොත්තුවෙන් ඉන්නවා නම්, පුළුවන් නම් නැවත වතාවක් කල්පනා කරලා බලන්න අවුරුද්දකින් පමා කරන්න. ඔබ කැමතිනම්. අවුරුද්දක් කියන්නේ වෛද්‍ය විද්‍යාවේ විශාල කාලයක්. එතකොට අපි එන ප්‍රශ්න ගැන දන්නවා. ඒ වගේම එන්නත් ගැනත් අපි දන්නවා."